დავით სერგეენკო

25 სექტემბერი, 1963, თბილისი) — ბავშვთა და მოზარდთა კარდიოქირურგი და რეანიმატოლოგი. 2012 წლის 25 ოქტომბრიდან 2018 წლის 15 ივლისამდე იყო საქართველოს შრომის, ჯანმრთელობისა და სოციალური დაცვის მინისტრი. 2018 წლის 15 ივლისიდან 2019 წლის 18 ივნისამდე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი.

დავით სერგეენკო
დავით სერგეენკო
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი
თანამდებობაზე ყოფნის დრო
15 ივლისი 2018 – 18 ივნისი 2019
პრეზიდენტი	გიორგი მარგველაშვილი სალომე ზურაბიშვილი
პრემიერ-მინისტრი	მამუკა ბახტაძე
წინამორბედი	თანამდებობა შეიქმნა
მემკვიდრე	ეკა ტიკარაძე
საქართველოს შრომის, ჯანმრთელობისა და სოციალური დაცვის მინისტრი
თანამდებობაზე ყოფნის დრო
25 ოქტომბერი 2012 – 15 ივლისი 2018
პრეზიდენტი	მიხეილ სააკაშვილი გიორგი მარგველაშვილი
პრემიერ-მინისტრი	ბიძინა ივანიშვილი ირაკლი ღარიბაშვილი გიორგი კვირიკაშვილი მამუკა ბახტაძე
წინამორბედი	ზურაბ ჭიაბერაშვილი
მემკვიდრე	თანამდებობა გაუქმდა
დაბადებული	25 სექტემბერი, 1963 (1963-09-25) (60 წლის) თბილისი, საქართველოს სსრ, სსრკ
შვილები	2
განათლება	თბილისის სახელმწიფო სამედიცინო უნივერსიტეტი მოსკოვის ექიმთა დახელოვნების ინსტიტუტი
ჯილდოები
საიტი	სამინისტროს გვერდი

დამთავრებული აქვს თბილისის სახელმწიფო სამედიცინო უნივერსიტეტი, ასევე სწავლობდა ბოსტონისა და ბერლინის სამედიცინო სასწავლებლებში. დავით სერგეენკო ბოლო დრომდე, წლების მანძილზე, ხელმძღვანელობდა საჩხერის სამედიცინო ცენტრს, რომელსაც სრულად აფინანსებს ბიძინა ივანიშვილი. მინიჭებული აქვს სახელმწიფო სერტიფიკატი ანესთეზიოლოგია-რეანიმატოლოგია, კრიტიკული მედიცინის დარგში. ფლობს ქართულ, რუსულ და ინგლისურ ენებს. ჰყავს მეუღლე და 2 შვილი.

• 1987 — დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი, 1991 წელს - მოსკოვის ექიმთა დახელოვნების ინსტიტუტი - ინტენსიური თერაპიის მიმართულებით.
• 1995–1997 — საქართველოს სპორტის დეპარტამენტი. სამედიცინო სამსახურის უფროსი
• 1992–1993 — საქართველოს შეიარაღებული ძალები. საავიაციო დანაყოფის ექიმი.
• 1989–1992 — ექიმი-ნეონატოლოგი. რუსთავის სამშობიარო სახლი
• 1987–1989 — ექიმი-ინტერნი , სოხუმის ბავშვთა საავადმყოფო
• 2002–2006 — MediClubGeorgia - სამედიცინო მენეჯერი.
• 2001 — პედიატრიული კარდიორეანიმაცია. ჰარვარდის სამედიცინო სკოლა, ბოსტონის ბავშვთა საავადმყოფო
• 1999 — მაისი-ივლისი, ანესთეზია - ინტენსიური თერაპიის კვალიფიკაცია. ბერლინის გულის ინსტიტუტი.
• 1997–2006 — ჯოენის სამედიცინო ცენტრი- ანესთეზიოლოგ-რეანიმატოლოგი.
• 2006–2012 — საჩხერის სამედიცინო ცენტრის გენერალური დირექტორი.
• 2006 — ივლისი, გადაუდებელი სამედიცინო დახმარების სასწავლო კურსი. თბილისი, საქართველო.
• 2005 — ივნისი, გადაუდებელი სამედიცინო დახმარება პედიატრიაში. თბილისი, საქართველო.
• 2003 — ოფშორული მედიცინის კვალიფიკაცია. აბერდინი, გაერთიანებული სამეფო.
• 2012–2018 — საქართველოს შრომის, ჯანმრთელობისა და სოციალური დაცვის მინისტრი.
• 2020 — საქართველოს მე-10 მოწვევის პარლამენტის წევრი (საბურთალოს მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. საბურთალოს რაიონის მაჟორიტარი.

• საქართველოს შრომის, ჯანმრთელობისა და სოციალური დაცვის სამინისტრო დაარქივებული 2013-08-17 საიტზე Wayback Machine.
• საქართველოს მთავრობა^{[მკვდარი ბმული]}