გურული დიალექტი

გურული დიალექტი — ქართული ენის ერთ-ერთი დიალექტი, გურულების მეტყველება.

გავრცელებულია გურიის მხარეში. გურულ დიალექტში შთამბეჭდავია მეგრულ-ჭანური ფენა.

გურული დიალექტი იყოფა ორ კილოკავად: ზემოგურულად (ჩოხატაურისა და ოზურგეთის მუნიციპალიტეტების მთიანი ნაწილი) და ქვემოგურულად (ლანჩხუთის მუნიციპალიტეტი, ოზურგეთის მუნიციპალიტეტის ნაწილი). კილოკავებში შემავალი თქმები, თავის მხრივ, იყოფა განსხვავებულ ქცევებად, მაგ., ჩოხატაურის თქმაში განირჩევა ზემო სურების, შუა სურებისა და დიდვანის ქცევები. რეგიონის ადრინდელი ზანურენოვან მოსახლეობასთან კონტაქტი აისახება გურულ დიალექტში ზანიზმების სიუხვეში, მაგ., სახელების ბრუნებისას ხმოვანთა რედუქციის სისუსტე (აკვანის, ურემით... ხმაის, რძეით...), ზმნებში ობიექტის მრავლობითობის გამოხატვა III სუბიექტური პირის -ენ სუფიქსით (შეგრჩებიენ, მოგინდებიენ...), ქვემდებარე მოთხრ. ბრუნვაში ნაცვლად სახელობითისა გარდაუვალ ზმნებთან (კაცმა დიეცა, კაცმა მევიდა...) და სხვ.

განსაკუთრებით მრავლად დასტურდება ზანიზმები ლექსიკაში (ოჭვათო, ორჩხუში, ჯარგვალი...); ტოპონიმიაში არსებული ზანიზმების (ჯუმათი, ოჩხამური...) გვერდით ტოპონიმია-ანთროპონიმიაში აფხაზურ-ადიღურ ენათა ანალოგიური ფორმებიც გვხვდება (სუფსა, მალთაყვა... ინგოროყვა, ჭანუყვაძე...). ამავე დროს, გურულ დიალექტს შემოუნახავს არაერთი არქაული სიტყვა და ენობრივი მოვლენა: -ავ/-ამ თემისნიშნიანი ზმნების ვნებითი გვარი მთელ რიგ შემთხვევებში არქაული წესითაა ნაწარმოები (იმალვის, იკარქვის...). გურული დიალექტის ზოგ თქმაში გარდაუვალ ზმნათა III სუბიექტური პირის მრავლობითობა -ეს სუფიქსითაც გამოიხატება (ადგეს და მიეგებეს იგინმა...). არცთუ იშვიათია ადამიანის საკუთარ სახელთა გაუფორმებელი წარმოება სახელობითსა და მოთხრობით ბრუნვებში (სამსონ მოკლენ, გირგოლ გამეიარა...) და სხვ. მრავალი არქაული სიტყვა შემორჩენილია ლექსიკაში (ზარმელი, მერე, უსხი...).

მეზობელ აჭარულთან გურულ დიალექტს აერთიანებს მთელი რიგი ენობრივი მოვლენები: შავგრიმანი, ლაპარიკი... (ხმოვანთა შენაცვლება); ზაბუთი, ამ შიშორე... (ასიმილაცია); კალონი, ანბავი... (დისიმილაცია), გვერჩიგვერდში, ბეძე-ბედზე... (აფრიკატიზაცია); ჩთილი-ჩრდილი, ფთაფრთა... (ბგერათდაკარგვა); ხესან, ძროხასან... (-თან თანდებულის ნაცვლად -ან); მიასტრა, იცნა... (სუბიექტური მესამე პირის ნიშნად წყვეტილში -ა). საერთოა ლექსიკის დიდი მარაგი (დელი, ეტოშება, კატარი)...

ბევრი ერთნაირი ფონეტიკური და გრამატიკული მოვლენა დასტურდება გურიისა და იმერეთის ურთიერთმოსაზღვრე სოფლების მეტყველებაშიც: ქ’არ<ქე არ, ქი არ; კ’ვერ<კი ვერ... (ხმოვანთა ელიზია); კჭირს, კყავს... (ასიმილაციური დაყრუება); ღმერც, გვერძე (აფრიკატიზაცია); იმგენმა იმღერენ... (მოთხრობითში დასმული სახელის მრავლობითობის გამოხატვა -ენ სუფიქსით); ღრიალოფს, სრიალოფს... (თემის ნიშნის შენაცვლება); დგანა, ჟდანა... (ფუძის გართულება -ან სუფიქსით); მაგენი ამბობდა... (რიცხვში შეუთანხმებლობა ქვემდებარე–შემასმენელს შორის) და სხვ. საერთოა მრავალი ლექსიკური ერთეული (თანაქა, ტარაბუა, ლორთქო...). იმერხეულ (კლარჯულ) კოლოსთან გურულს აახლოვებს არაერთი ენობრივი მოვლენა: მეითავა, დეიჭირა... (ნაწილობრივი ასიმილაცია), გუუხსნა, დუუბა... (სრული ასიმილაცია), ვინცხა, რაცხა... (თანხმოვანთა ასიმილაცია); შიეძლო, შიეხვეწა... (დისიმილაცია); მუა, გოგუები... (ოა<უა, ოე<უე რეგრესული დისიმილაციის შედეგად); სუნთელი... (თანხმოვანთა დისიმილაცია); იცნა (სუბიექტური III პირის ნიშნად წყვეტილში მხ. რიცხვში -ა); დაწვა კაცმა... (გარდაუვალ ზმნებთან სუბიექტი II სერიაში მოთხრ. ბრუნვაში) და სხვ. ამას ადასტურებს ლექსიკაც: გვარდა, ზორი, ალიკაპი, არტაშანი, ჭინჭი, ჭაჭვი და ა. შ.

გურულ დიალექტში გამოიყოფა ძველი მესხურის ფენა: „ე“ ხმოვნის იოტიზებული შემართვა (ჲერთი...); მრავლობითობის ორმაგად წარმოება (ძმანები...); რეგრესული ასიმილაცია როგორც ხმოვნებში (მუუტანა), ასევე თანხმოვნებში (აშჯერ = ასჯერ). ბევრი საერთოა ლექსიკაში (ფხეჭი, ზენგილი, ჭიბოშანი, ოტური...). გურულში არაერთი სიტყვაა შესული თურქულიდან (ბალდუმი, სილაღი, ოდა...). მრავალფეროვნებას ქმნის კილოკაური და ზოგჯერ თქმებს შორისაც არსებული ფონეტიკური ან მორფოლოგიური ხასიათის სხვაობა, ინტონაცია, ტონი, რიტმი, მახვილი. სხვაობა ძირითადად მაინც ლექსიკაში შეიმჩნევა (ოფიჩო – ქვემოგურულში წისქვილის ჩიბოა, ზემოგურულში – ბლის ხის ქერქისაგან გაკეთებული ამოსაფარებელი ქვევრის სახურავისათვის). განსაკუთრებით საინტერესოა საკუთრივ გურულ დიალექტში ნაწარმოები ფორმები: ამორანქვა – წყლის ამოსხმა, ამოხაპვა; გაკოპიტება – ხის მასალის ლამაზად გათლა, გამოყვანა; გაკუჭება – გაბრაზება; ელანძე – სწრაფად; ურწყული – ნიგვზისაგან გამოხდილი ზეთი და სხვ.

ლიტერატურა

  • ნიკოლაიშვილი ე., ენციკლოპედია „საქართველო“, ტ. 2, თბ., 2012.
  • ჯორბენაძე ბ., ქართული დიალექტოლოგია, I, თბ., 1989;
  • სარჯველაძე ზ., ზანიზმები გურულში, «გორის ნ. ბარათაშვილის სახ. სახელმწ. პედ. ინ-ტის შრომები», 1965, ტ. 10;
  • გიგინეიშვილი ი., თოფურია ვ., ქავთარაძ ე ი., ქართული დიალექტოლოგია, I, თბ., 1961;
  • ჟღენტი, ს., ზანიზმები გურულ ზმნებში, «ენიმკის მოამბე», 1940, ტ. 5–6;
  • ჟღენტი, ს., გურული კილო. გამოკვლევა, ტექსტები, ლექსიკონი, თბ., 1936;

Tags:

გურიის მხარეგურულებიდიალექტილაზური ენამეგრული ენაქართული ენა

🔥 Trending searches on Wiki ქართული:

უდაბნოპომპეუსის ლაშქრობა საქართველოშიდანიარომაული ხელოვნებათამბაქოთერმოპილეს ბრძოლაკონსტიტუციაადამიანის ჩონჩხიმგელიჭადრაკიეკვატორული კლიმატური სარტყელინიადაგირუსული დამწერლობარამაზ შენგელიაკუთხედიეგო მარადონაგიორგი ქოჩორაშვილიგიორგი წიტაიშვილივიკიპედიაცილებიკომუნიზმიმზის სისტემანიკეფერების სიმბოლიზმი და ფსიქოლოგიაედუარდ შევარდნაძეკოლხეთის სამეფობანგლადეშიალავერდიარსებითი სახელიოსმალეთის იმპერიამსოფლიო მემკვიდრეობასეფსისისაქართველოს ფრინველთა სიახინკალიჯიხვიწრეწირიჯინსების თაობასალამურას თავგადასავალიბარდა სკლიაროსიგასტრიტიბუნებრივი გადარჩევალევან შენგელიალოცვა ეფრემ ასურისაკონსტანტინე გამსახურდიადიდება (ჰიმნი)პოსტერიგიორგი ანწუხელიძესამეგრელოსარკაზმიდათა თუთაშხიაალექსანდრე მაკედონელის ომებიქუნთრუშათეიმურაზ Iბუღა თურქის შემოსევაალკოჰოლური სასმელიაქილევსიტყესაქართველო რუსეთის იმპერიის შემადგენლობაშირაფაელიგვირილაგაზაფხულიარაბობა საქართველოშითბილისის სახელმწიფო უნივერსიტეტიმეტაფორათუშეთიქვეყნების სიამსოფლიოს მოსახლეობალითოსფეროკურო (ასტროლოგია)სტამბოლიპრომეთესაქართველოს პარლამენტიალკოჰოლიზმიზესტაფონიკარლეს პუჩდემონი🡆 More