ბესარიონ გრიგოლის ძე ბელინსკი (რუს.
Виссарион Григорьевич Белинский; დ. 11 ივნისი [ძვ. სტ. 30 მაისი], 1811, სვეაბორგი, ფინეთი — გ. 7 ივნისი [ძვ. სტ. 26 მაისი], 1848, პეტერბურგი) — რუსი კრიტიკოსი, ფილოსოფოსი, პუბლიცისტი.
ბესარიონ ბელინსკი | |
---|---|
რუს. Виссарион Белинский | |
დაბადების თარიღი | 30 მაისი (11 ივნისი), 1811 [3] [4] |
დაბადების ადგილი | სუომენლინა[5] [3] |
გარდაცვალების თარიღი | 26 მაისი (7 ივნისი), 1848 [3] [4] (36 წლის) |
გარდაცვალების ადგილი | სანქტ-პეტერბურგი[5] [3] |
დასაფლავებულია | ლიტერატორსკიე-მოსტკი |
საქმიანობა | ფილოსოფოსი, მწერალი , ლიტერატურული კრიტიკოსი[7] , ჟურნალისტი, ლიტერატურის თეორიტიკოსი[7] და პუბლიცისტი[7] |
ენა | რუსული ენა |
მოქალაქეობა | რუსეთის იმპერია |
ალმა-მატერი | მოსკოვის უნივერსიტეტის ფილოსოფიის ფაკულტეტი |
მეუღლე | Maria Orlov |
ხელმოწერა | |
დაიბადა ექიმის ოჯახში. სწავლობდა ჯერ ჩემბარის (ახლანდელი ბელინსკი) სამაზრო სასწავლებელში, შემდეგ პენზის გიმნაზიაში. 1829 წელს შევიდა მოსკოვის უნივერსიტეტის სიტყვიერების განყოფილებაზე. სტუდენტობისას დაწერა და სტუდენტთა ლიტერატურულ წრეში კითხულობდა ბატონყმობის წინააღმადეგ მიმართულ დრამას „დიმიტრი კალინინი“, რისთვისაც 1832 წელს უნივერსიტეტიდან გარიცხეს. 1833 წლიდან სისტემატურად თანამშრონლობდა ნ. ნადეჟდინის ჟურნალ „ტელესკოპში“. მის ლიტერატურულ დამატებაში გაზეთ „მოლვაში“ 1834 წელს გამოქვეყნდა ბელინსკის პირველი დიდი სტატია „ლიტერატურული ოცნებანი“, რომელმაც საზოგადოების ინტერესი გამოიწვია და ავტორს ნიჭიერი კრიტიკოსის სახელი მოუპოვა. 1835 წელს „ტელესკოპში“ გამოქვეყნდა მისი პირველი ლიტერატურულ-კრიტიკული ნაშრომი „რუსული მოთხრობებისა და გოგოლის მოთხრობების შესახებ“. 1836 წელს „ტელესკოპისა“ და „მოლვას“ დახურვის გამო მუშაობდა ჟურნალ „მოსკოვსკი ნაბლიუდაწელის“ რედაქციაში.
This article uses material from the Wikipedia ქართული article ბესარიონ ბელინსკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.