ზაქარია ბერიშვილი

28 იანვარი, 1887, თბილისი ― გ. 9 მაისი, 1965, იქვე) — ქართველი რეჟისორი და მსახიობი. საქართველოს სსრ ხელოვნების დამსახურებული მოღვაწე (1961).

1905–1921 წლებში თეატრის მსახიობი იყო. გიორგი ჯაბადართან ერთად შექმნა თეატრალური სტუდია, რომელმაც დიდი როლი შეასრულა ახალგაზრდა მსახიობთა მომზადებაში. 1921 წელს მონაწილეობდა საქართველოს სსრ განათლების სახალხო კომისარიატის კინოსექციის ჩამოყალიბებაში. მუშაობდა რეჟისორის თანაშემწედ და ასისტენტად. შესრულებული აქვს ეპიზოდური როლები სხვადასხვა ფილმებში. ბერიშვილის პირველი დამოუკიდებელი ფილმია „იბრაჰიმ და გოდერძი“ (1927), მანვე გადაიღო „ღრუბელთა თავშესაფარი“ (1928), „საკანი №79“ (1930), „ტანია ფრონტზე“ (1931), „მდინარის გაღმა“ (1935), „ცანის ხეობის საუნჯე“ (1941).

ფილმების დამდგმელი რეჟისორი

• 1926: „სამანიშვილის დედინაცვალი“ რეჟ. კოტე მარჯანიშვილთან ერთად
• 1927: „იბრაჰიმი და გოდერძი“
• 1928: „ღრუბელთა თავშესაფარი“
• 1929: „საკანი №79“
• 1931: „ტანია ფრონტზე“
• 1935: „მდინარის გაღმა“
• 1941: „ცანის ხეობის საუნჯე“

გადაღებულია ფილმებში

• 1922: „სურამის ციხე“ რეჟ. ივანე პერესტიანი
• 1923: „მამის მკვლელი“ (გლახო — ნუნუს მამა) რეჟ. ამო ბეკ-ნაზაროვი
• 1923: „არსენა ყაჩაღი“ (მოურავი) რეჟ. ვლადიმერ ბარსკი
• 1923: „წითელი ეშმაკუნები“ (ბანდიტი) რეჟ. ივანე პერესტიანი
• 1924: „სამი სიცოცხლე“ (მეირა-მაკლერი) რეჟ. ივანე პერესტიანი
• 1925: „ათასის ფასად („დაჰკრა ჟამმა“)“ რეჟ. ვლადიმერ ბარსკი
• 1925: „წარსულის საშინელებები“ რეჟ. ვლადიმერ ბარსკი
• 1930: „ამერიკანკა“ (ხილის დუქნის მეპატრონე) რეჟ. ლეო ესაკია
• 1937: „ორი მეგობარი“ (ნინია) რეჟ. ივანე პერესტიანი

• ქართული საბჭოთა ენციკლოპედია, ტ. 2, თბ., 1977. — გვ. 322.
• მარინა კერესელიძე, „ქართული ენციკლოპედიური ლექსიკონი“ გვ. 51 — Bilnet, 2011

• ზაქარია ბერიშვილი [დაარქივებული] — ეროვნული ფილმოგრაფია
• ზაქარია ბერიშვილი — საქართველოს ბიოგრაფიული ლექსიკონი