ბელორუსული საბჭოთა ენციკლოპედია

ესაა ბელორუსულ ენაზე პირველად დაბეჭდილი აკადემიური ენციკლოპედია.

ისტორია

ენციკლოპედიის შედგენაში ხუთი ათასზე მეტმა ავტორმა, მათ შორის, ბელორუსიის მეცნიერებათა აკადემიის 125-მა აკადემიკოსმა და წევრ-კორესპონდენტმა მიიღო მონაწილეობა, ამას გარდა, სსრკ მეცნიერებათა აკადემიამ და მეცნიერებათა დარგობრივმა აკადემიამ, 344-მა მეცნიერებათა დოქტორმა და პროფესორმა, 1650-მა მეცნიერებათა კანდიდატმა შეიტანა თავისი წვლილი. ავტორთა 85% ცხოვრობდა და მოღვაწეობდა ბელორუსიის სსრ-ში.

აღწერილობა

თერთმეტი ტომი სტატიებსა და დამატებებს შეიცავს (11 ტომი), მე-12 თემატურ ტომს წარმოადგენს და ბელორუსიის სსრ-ს ეძღვნება. ენციკლოპედიაში სტატიათა საერთო რაოდენობაა 34 409, აქედან ბელორუსულ თემატიკას დაახლოებით 40% ეძღვნება. 6 ათასამდე სტატია ისტორიას ეთმობა, 10 ათასამდე სტატია საბუნებისმეტყველო მეცნიერებებს, დაახლოებით 6,7 ათასი სტატია გეოგრაფიას, 6,8 ათასამდე კულტურას, ხოლო 7 ათასამდე სტატია ბიოგრაფიულია. თორმეტ ტომში 112 ფერადი ჩანართია (1554 ილუსტრაცია და 172 რუკაა), 215 შავ-თეთრი ჩანართია (3002 ილუსტრაცია), დაახლოებით 8 ათასი ილუსტრაცია და 500 რუკაა ტექსტებში.

სხვა საბჭოთა ენციკლოპედიები

დედნისეული დასახელება	ქართული დასახელება	ტომთა რაოდენობა	გამოცემის წლები
Українська радянська енциклопедія	უკრაინული საბჭოთა ენციკლოპედია	17	1927—1934 ; 1959—1965 ; 1978—1985
Ўзбек совет энциклопедияси	უზბეკური საბჭოთა ენციკლოპედია	14	1971—1980
Հայկական սովետական հանրագիտարան	სომხური საბჭოთა ენციკლოპედია	13	1974—1987
Беларуская савецкая энцыклапедыя	ბელორუსული საბჭოთა ენციკლოპედია	12	1969—1975
ქართული საბჭოთა ენციკლოპედია	ქართული საბჭოთა ენციკლოპედია	12	1975—1987
Latvijas padomju enciklopēdija	ლატვიური საბჭოთა ენციკლოპედია	11	1981—1988
Азәрбајҹан Совет Енсиклопедијасы	აზერბაიჯანული საბჭოთა ენციკლოპედია	10	1976—1987
Қазақ кеңес энциклопедиясы	ყაზახური საბჭოთა ენციკლოპედია	10	1972—1978
Lietuviškoji tarybinė enciklopedija	ლიტვური საბჭოთა ენციკლოპედია	13	1976—1985
Түркмен совет энциклопедиясы	თურქმენული საბჭოთა ენციკლოპედია	10	1974—1989
Енчиклопедия советикэ молдовеняскэ	მოლდავური საბჭოთა ენციკლოპედია	8	1970—1981
Энциклопедияи советии тоҷик	ტაჯიკური საბჭოთა ენციკლოპედია	8	1978—1988
Eesti nõukogude entsüklopeedia	ესტონური საბჭოთა ენციკლოპედია	8 ; 10+5	1968—1976 ; 1985—2006
Кыргыз Совет Энциклопедиясы	ყირგიზული საბჭოთა ენციკლოპედია	6	1976—1980
Сибирская советская энциклопедия	ციმბირული საბჭოთა ენციკლოპედია	4(დაგეგმ: 6)	1929—1933

იხილეთ აგრეთვე

ენციკლოპედიები ენების მიხედვით

წყაროები

Ад рэдакцыйнай калегіі // ბელორუსული საბჭოთა ენციკლოპედია. — მინსკი : ბელენ., ტ.12

რესურსები ინტერნეტში

ბელორუსული საბჭოთა ენციკლოპედია

This article uses material from the Wikipedia ქართული article ბელორუსული საბჭოთა ენციკლოპედია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.