ასურელები

ܐܬܘܪ̈ܝܐ) (საკუთარი სახელწოდება ათურაი, სურაი, ქალდაი) — სემიტური მოდგმის ხალხი, არამეელების შთამომავალნი. ცნობილი არიან აგრეთვე, როგორც სირიელები, აისორები (ეს სახელწოდება გავრცელებული იყო მეფის რუსეთში და დამამცირებლად ითვლებოდა). XVIII საუკუნის ქართულ წყაროებში დამოწმებულია სახელწოდება „ასურნი“. ცხოვრობენ ძირითადად სირიაში, ერაყში და მათი მიმდებარე თურქეთისა და ირანის ტერიტორიაზე, აგრეთვე აშშ-ში, სომხეთში, საქართველოში (თბილისი, მცხეთისა და გარდაბნის მუნიციპალიტეტები) და ყოფილ სსრკ-ის ევროპის ნაწილის დიდ ქალაქებში. ენა — ასურული. ასურელების წინაპრებს — არამეელებს ფართო ტერიტორია ეკავათ ახლო აღმოსავლეთში. არაბთა და მონღოლთა დაპყრობის შედეგად ასურეთის უმრავლესობამ ასიმილაცია განიცადა. რელიგია — ქრისტიანობა (უმთავრესად ნესტორიანელები, აგრეთვე ნესტორიანული წესის კათოლიკეებიც (ქალდეველები).

ასურელები ܐܬܘܪ̈ܝܐ (ათურაჰე)
საერთო მოსახლეობა
დაახ. 3.3-4.2 მილიონი
რეგიონები მნიშვნელოვანი მოსახლეობით
ერაყი	300,000
სირია	400,000
ირანი	20,000–60,000
თურქეთი	15,000-25,100
აშშ	83,000
შვედეთი	80,000
გერმანია	70,000
საფრანგეთი	15,000
რუსეთი	14,000
კანადა	7,000
სომხეთი	2,769
საქართველო	2,377
ენები	არამეული ენა, ახალი არამეული ენა (ასურული ენა), არაბული (აგრეთვე: რუსული, ქურთული, სომხური)
რელიგიები	ქრისტიანობა

• წერეთელი კ., ქართული საბჭოთა ენციკლოპედია, ტ. 1, თბ., 1975. — გვ. 661.