Ass
Ass (iɣ ggutn Ussan) nɣ Assf (iɣ ggutn Usfan) iga-tt tariban 24 n tassaɛin.
Iga ass akud izdin zɣ unqqr n tafukt ar taɣlya nns. Ass tzggur as tylgi ɣ tifawt ḍfrnttid tinwutci ɣ tdggʷat. Tizwiri nns (s wassaɣ d wammas n yiḍ s wakud adigan) d tiɣzi nna ittkka qqnen s tizi ilkm usggʷas aha qqnen s wadg ahrawan; ɣ ifuyla ikalanen iɣiy wass ad yawḍ ar 6 n iyyirn.
S ussiriw, issumk wass tamrniwt n yiḍ d wass mala myaḍfarn, aynna imsasan d tuttya imdn n wakal i yixf nns s tuqqna s yat tqiffit tawrakalt ittufkan. Tamunt n sa n wussan ar aɣ ttakkan imalass, ttyifkin i sa n wussan ad.
Ɣ umggaru, iqqan d ad nini mas d ass iga t ula wakud illan gr yat tizi d uzkka nns ɣ tizi ad nik d wansa ad nik, s umdya gr tsragt tiss 15 d uzgn n 1 innayr 2968 ar tasragt tiss 15 d uzgn n 2 innayr 2968.
Ɣ imalass ar nttfa sa wussan, ism-asn s tcelḥit :
- Ltnin
- Ṭṭlata
- Lɛrba
- Lxmis
- Ljamɛ
- Ssbt
- Lḥdd
Ismawen lli asen-iga usinag ageldan n tmaziɣt :
- Aynas
- Asinas
- Akṛas
- Akwas
- Asimwas
- Asiḍyas
- Asamas
Isaɣuln
This article uses material from the Wikipedia Taclḥit article Ass, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.