Айзек Азимов

януар">2. януар 1920, Петровичи, РСФСР – † 6. апрѣль 1992, Ню Йорк, США — америцкый писатель научной фантастикы, популаризатор наукы, професор биохемии, автор або редактор около 500 книг.

Айзек Азимов
Isaac Asimov
Isaac Asimov, 1965
Уроджѣня	Isaac Asimov януара 2, 1920(1920-01-02) Петровичи, РСФСР
Умертя	апріля 6, 1992 (72 р.) Ню Йорк, США •AIDS related disease
Псевдоним	Paul French
Занятя	писатель, професор биохемии
Язык творох	анґліцькый
Народность	Еврей
Горожанство	США
Alma mater	Колумбийска универзита
Праца	Бостонска універзіта
Участь	Друга світова война
Реліґія	атеізм
Час творбы	1931–1992
Жанры	научна фантастика популарна наука
Брат, сестра	Stanley Asimov
Дѣти	Robyn Asimov
Вызначны роботы	Фундація, Роботи, Прихід ночі, Путівник в науку розумної людини, Я, Двохсотлітня людина, Навіть боги
Офиц. сайт
Asimov online
Айзек Азимов на Викискладѣ
VIAF:24597135; GND:118646109; LCCN:n80126289, nb90003414; FAST:61553; BNF:118892827; NLKR/NLC:jn19990000289; OL:OL34221A; Obalky knih.cz, Медвік, Армянская советская энциклопедия, том 1, ПроДетЛит

Штудии и карьера
Походив з родины млинарьох Юды Азимова и Анны-Рахиль Берман, котры в року 1923 з трьохрочным дѣтваком емигровали до США, осѣли в Ню Йорку, де провадили цукрарню. Айзек выростав уже в англоязычном окружѣню, его домашным языком быв идиш, а литературны смакы переберав з повѣдань Шолом Алейхема. В пятьрочном вѣку пошов до десятьрочной школы, пак учив ся в коледжу и на хемичной факултѣ Колумбийской универзиты, де в року 1939 зыскав ступень бакаларя наук (B. S.), а в року 1941 — магистра наук (M. Sc.). В роках 1942–1945 служив во военской лодярни, од октобра 1945 до юла 1946 — во войску, пак вернув ся до Ню Йорку и продовжив штудии. В року 1948 зыскав ступень доктора биохемии (PhD), од року 1949 преподавать хемию на медицинской факултѣ Бостонской универзиты (1951 — ассистент, 1955 — доцент, 1979 — професор). Од року 1958 на универзитѣ зоставать лем формално, а цѣлком ся оддавать литературѣ.
Приватный живот
Быв женатый два раз

• Gerthrude Blugerman (1942–1970, розвод 1973; сын Дейвид, 1951 и дѣвка Робин Джоен, 1955)
• Janet Opal Jeppson (1973–1992, психиатер, сполуавторка, дѣти не мали)

В року 1983 при операции на сердцю достав инфекцию AIDS, наслѣдком котрой умер в року 1992.

Еще яко 11-рочный зачав писати повѣсть о пригодах дѣтей, котра пробудила интерес у его товариши и, хоть не была закончена, ани публикована, пересвѣдчила го, же мать литературный дар. Перве научно-фантастичне повѣданя В заятю Весты (Marooned off Vesta) опубликовав року 1939. Повѣданя Приход ночи (Nightfall), 1941 было много разы перевыдаване, два разы нафилмоване и в року 1968 Америцков асоциациев писательох фантастикы выголошене за найлѣпше з написаных за вшитку историю. В первом периодѣ пише серию повѣдань о роботах, де яко первый формулуе експлицитно их етику. В 1940-х роках пише серию романох Основаня (Foundation), котры пак споив до трилогии, што в року 1966 зыскала награду Гьюго за найлѣпшу в истории научно-фантастичну серию. Од року 1958 зачинать ся переважно концентровати на популаризацию наукы, пише зрозумѣло и з гумором на темы хемии, физикы, биологии, але и литературы, аж и Библии. В послѣдных роках живота вертать ся ку темам дакотрых своих ранных повѣдань и росширять их до формата романа. Опубликовав три автобиографичны томы:

• Еще свѣже в памяти: Автобиография Айзека Азимова In Memory Yet Green: The Autobiography of Isaac Asimov, 1920–1954 (1979);
• Все з радостьов: Автобиография Айзека Азимова In Joy Still Felt: .The Autobiography of Isaac Asimov, 1954–1978 (1980);
• Я, Азимов: Мемоары (I, Asimov: A Memoir — награда Hugo Award 1995 за найлѣпшу литературу факта).

• Сѣм раз награда Гьюго (Hugo Award, 1963, 1966, 1973, 1977, 1983, 1992, 1995)
• Два раз награда Небьюла (Nebula Award, 1972, 1976)
• Три раз награда читательского голосованя журнала Локус (The Locus Poll, 1977, 1981, 1983)

• Ващенко А. В. АЗИМОВ //Большая российская энциклопедия. Том 1. Москва, 2005, сc. 273–274.
• Доценко Р. І.. Азімов, Айзек (по украинскы) (online). Велика українська енциклопедія. https://vue.gov.ua/Азімов,_Айзек. [перевірено 2020-01-03]. 
• Gregersen, Erik (Jan 1, 2020). Isaac Asimov (по англицкы) (online). Encyclopaedia Britannica. https://www.britannica.com/biography/Isaac-Asimov. [перевірено 2020-01-03].