Hong Kong

Disambiguazzione – Ce ste cirche l'isola omonima, 'ndruche Hong Kong (isole).

Hong Kong ( 香港^?, pinyin Xiānggǎng  – porto profumato) jè 'na reggione amministrative speciale d'a Repubblèche Popolare Cenise. Confine cu 'a cetate de Shenzhen.

Hong Kong
(dettagli) (dettagli)
Date amministrative
Nome comblete	Reggione amministrative speciale de Hong Kong d'a Repubblèche Popolare Cenise
Nome ufficiale	中華人民共和國香港特別行政區 Hong Kong Special Administrative Region of the People's Republic of China
Dependente da	Cine
Lènghe ufficiale	cantonese, 'nglise, Cenise mandarine
Polìteche
Status	Regione amministrative speciale
Cape de l'Esecutive	Carrie Lam
Grannèzze
Totale	1.104 km² (179º)
% delle acque	4,6 %
Populazzione
Totale	7.055.071 ab. (2008) (98º)
Denzetà	6.390 ab./km²(3º)
Geografia
Continende	Asia
Fuse orarije	UTC +8
Economije|-		Valuta	Dollare de Hong Kong
PIL (PPA)	293.311 miglione de $  (38º)
PIL pro capite (PPA)	44.413 $  (2008)  (7º)
Varie
TLD	.hk
Prefisse tel.	+852
Inne naziunale	'A Marce de le Volondarie

Formate da 'na piccele penisole d'a coste meridionale cenise e da 236 isole jndr'ô mar Cenise meridionale, 'mbrà cui l'isole de Hong Kong, seconne pè estenzione a l'isole de Lantau (da 'u precedende nome 爛頭島 lan tau do, "Isole d'a cape squasciate"; ôsce a die chiamate jndr'ô cenise 大嶼山 pinyin: dà yǔ shān, Cantonese: tai yue shan). Cu 'a polìteche de "'nu paise, dò sisteme" Hong Kong gode de autonomie amministrative e de 'nu proprie turnise, 'u dollare de Hong Kong. Assaje 'mbortande cindre commerciale e finanziarie, turisteche e aeroportuale, tène collegamènde cu totte l'Asie Oriendàle. 'U soje dominie 'ndernètte jè .hk.

Pure ce le prime 'nzediamende sonde resalènde ad 'u Neolitiche, le territorie de l'odierne Hong Kong sonde rumaste a le margene d'a storia fine ad 'u XIX sèchele quanne 'a zone e le piccele villagge de pescature fùrene occupate durande 'a Prime Uerre de l'Oppie d'a Gran Bretàgne jndr'ô 1841.

Cu 'u Trattate de Nanchino de l'anne seguende l'Isole de Hong Kong, ed 'a penisole de 九龍 Kowloon (pinyin: Jiǔlóng, ce vuè dì Nove Draghi) jndr'ô 1860, fùrene formalmènde lassate d'a Cine ad 'a Gran Bretàgne.

'U stuezze remanènde de l'aree fù temboraneamènde lassate ad 'a Gran Bretàgne pè 99 anne, partenne da 'u 1º luglie 1898.

'U 30 sciùgne 1997, ad 'a scadenze d'u periode de condrolle bretànneche, totte 'u territorie jè turnate ad 'a Repubbleche Populare Cenise. Quiste ha state 'u frute de 'nu accorde 'mbrà Cine e Gran Bretàgne, 'a Dichiaraziune Congiunde Sino-Bretànneche d'u 19 decèmmre 1984, jndre cui se stabbelì ca totte 'u territorie sarebbe devendate da 'u 1º luglie 1997 'na Reggione Amministrative Speciale d'a Repubbleche Populare Cenise.

Jndr'à Dichiaraziune Congiunde, Deng Xiaoping (鄧小平) se formulò 'u prengipie de "'Nu paise, dò sisteme" jndre cui se lassave libbertà amministrative a Hong Kong, pure ce deleganne ad 'a Cine le combite de polìteche estere e difese pè 'nu periode de 50 anne, fine ad 'u 2047.

L'urteme guvernature bretànneche de Hong Kong ha state Christopher Francis Patten da 'u 1992 ad 'u 1997.

Hong Kong jè formate da l'isole omonime, Kowloon e le Nuève Territorie: le urteme dò territorie sonde assaje 'nzigne a l'isole, ma attaccate ad 'a terre ferme. Kowloon jè 'nzigne a Hong Kong ma scucchiáte da 'nu piccele vrazze de mare, e scucchiáte d'a Cine da le Nuève Territorie, scucchiáte a lòre vote d'a reggione de Shenzhen sulamènde da 'u fiume Sham Chun e da 'u Sha Tau Kok. 'Nzign'ô destritte de Sha Tin scorre 'u jume Shing Mun.

'U clime de Hong Kong jè subtropicale, assaje favorevole a le monsone. Riggide e secche le 'nvìerne, 'mbrà scennàre e màrze, e calde, umide e chiovose d'a primavère a l'estate, mendre jndr'ô autunne resulte calde, suleggiate e assaje asciutte. Quacche vote jè 'nvestite da tifone. L'ecologgie de Hong Kong jè assaje 'nfluenzate da le cangiaminde climateche, ca cangiane radicalmènde a seconne de le staggione e de le 'nfluenze de le viènde. 'A temberature cchiù ìerte reggestrate jè de 40 C° (104 °F) mendre 'a cchiù vasce 0 °C (32 °F).

Sciugrafije umane

Popolazziune

'A popolazziune de Hong Kong jè de 7.055.071 crestiáne. 'A denzetà abitative jè de 6.390 per km².

'U tasse de fertilità de Hong Kong jè une de le cchiù bavasce d'u munne (0,94 figli pè fèmmene). L'immigraziune d'a Repubbleche Populare Cenise condrebbuisce ad 'a costànde crescite d'a popolazziune.

A cause d'a ìerte denzetà abitative, l'a maggior parte de le crestiáne de Hong Kong jàvite jndre appartamènde a le 'nderne de elevati jàvitaziune residenziale: quiste non ge 'mbedisce ad 'a cetate de tenè aree verde pubbleche, parche naziunale e reserve naturale (60% d'u territorie).

Etnie

Gruppe ètneche: 95% cenise; 5% otre.

Releggione

Buddhiste, Taoiste, Confuciane :90%. Crestiáne: 10%. Musulmane: 70.000.

Sciugrafije polìteche

 

1. Destritte de le Isole
2. Kwai Tsing¹
3. Destritte Nord
4. Sai Kung
5. Sha Tin
6. Tai Po
7. Tsuen Wan
8. Tuen Mun
9. Yuen Long
10. Kowloon City
11. Kwun Tong
12. Sham Shui Po
13. Wong Tai Sin
14. Yau Tsim Mong²
15. Centro ed Ovest
16. Destritte Est
17. Destritte Sud (Hong Kong)
18. Wan Chai District

¹(Kwai Chung e Tsing Yi)²(Yau Ma Tei, Tsim Sha Tsui e Mong Kok)

Economie

 

L'economie de Hong Kong jè denameche e assaje legate ad 'u commerce 'ndernazionale. 'A 'mbortanze d'u commerce 'ndernazionale jè testimoniate da 'u numere de conzolate ca se iaccchiene sus 'u territorie de Hong Kong: jndr'ô mise de sciùgne 2005 se iacchievane 107 conzolate e conzolate-generale, cchiù ca jndre qualsiase otre cetate d'a terre. Pure New York, sede de le Naziune Aunite tène sule 93 conzolate. Hong Kong hagghie 'nu ruole de 'mbortanze 'ndernazionale pure jndr'ô settore bangarie. 'U sisteme economeche jè une de le mène regulate d'u munne e jè, 'nfatte, conziderate 'nu paradise fiscale. 'U sisteme fiscale tagliàne, cu 'u Decrete Ministeriale 04/05/1999, l'hàve 'nzerite 'mbrà le State o Territorie avènde 'nu reggime fiscale previleggiate, c.d. Blacklist o liste gnure, mettènne accussì limitaziune fiscale a le rapporte economeche commerciale ca se 'ndrattengone 'mbrà le aziende tagliàne e le suggette ca se iacchiene jndre stù territorie.

'U combite d'a polìteche monetarie de Hong Kong jè de mandenè 'u turnise stabbele. Viste 'u forte grade de aperture 'ndernazionale de l'economie, 'a polìteche monetarie de Hong Kong hagghie definite 'nu valore esterne stabbele pè 'u dollare de Hong Kong grazzie a 'nu tasse de cange fisse cu 'u dollare USA: 1 dollare USA vale 7.80HK$. 'A polìteche monetarie pòte cundà sus 'u sisteme de tasse de cange fisse da l'ottòmmre 1983.

Hong Kong tène sule picche quandetà de resorse naturale, derrate agricole e materie prime e de conseguenze 'u fabbesogne jè cchiù granne respette a le esigenze de conzume e de produzziune ha dà esse cuperte tramite 'mbortaziune. Hong Kong tène da sembre legame economeche e commerciale cu 'a Repubbleche Populare Cenise. Jndr'ô 2001 'u settore de le servizie rappresendàve l'86,5% d'u PIL. 'U territorie de Hong Kong grazzie ad accellènde 'nfrastrutture e a 'nu sofistecate settore bangarie attire le 'nvestimènde de 'nu munne de 'mbrese multinaziunale.

'U PIL pro capite de Hong Kong jè une de le cchiù ìerte 'mbrà le naziune sveluppate se se conzidere l'aggiustamènde de le date nominale tramite 'a parità de potere de acquiste. 'A crescite medie d'u PIL 'mbrà 'u 1989 ed 'u 1997 corrisponde a 'u 5%. Le crise economeche e finanziarie 'ndernazionale e asiateche onne spicce conzeguenze sus 'u sisteme economeche fortemènde apirte de Hong Kong. Jndr'ô 1998 pè vie d'a crise finanziarie de le pajèsere d'u sud-est asiateche 'u PIL s'hé avvasciate d'u 5%.

'A 'ndustrie d'u turisme stà vivènde 'nu periode de forte crescite grazzie a le nuève viste 'ndividuale cenise ca coungedone a le crestiáne d'a Repubbleche Populare Cenise 'a possibilità de visetà Hong Kong senze l'obbleghe de 'nu viagge de gruppe.

'A forte dumande estere e domesteche, 'a conclusione de 'nu luènghe periode de deflazione ed 'a generale debolezze d'u dollare de Hong Kong onne condrebbuite ad 'a crescite d'u PIL d'u 8,2% jndr'ô 2004.

Trasporte

 

Hong Kong jè dotate de 'nu sisteme de trasporte pubbleche e private assaje sveluppate e sofistecate.

L'isole de Hong Kong jè caratterizzate da 'nu terrene ìerte e collinare ca hagghie rechieste 'u sveluppe de metode assaje strane de trasporte luènghe le scése. Jndr'ô destritte Central and Western se iacchie 'nu granne sisteme de scale mobbìle, 'ngluse 'u "Mid-levels Escalator": 'a scale mobbìle esterne e cupèrte cchiù luènghe d'u munne.

Hong Kong tène dò sisteme de metropolitane: 'a Mass Transit Railway o MTR (cumannate d'a MTR Corporation Limited).

'U sisteme tranviarie copre 'a fasce costiere settendrionale de l'isole de Hong Kong, cu 'na lunghèzze de 'mbiande de cirche 30 km. 'U šcartamènde jè de 1067 mm ed 'a captaziune avène mediande 'nu trolley auguale a quidde de le filobus. 'A rezze de Hong Kong jè l'uneche d'u munne ad ausà esclusivamènde tram a dò chiane. 'Na peculiarità d'u servizie jè l'assenze de bigliette: 'u viagge se paje ad 'u tramviere jndr'ô mumènde de ascì.

Cinghe deverse società gestiscone le servize 'n congessiune de trasporte pubbleche sus a strade ad Hong Kong. Le servizie pubbleche de autobus sonde furnite specialmènde cu vetture a dò chiane 'ndrodotte jndr'ô 1949. Autobus auguale caratterizzane 'u sisteme de trasporte pubbleche de Londre e Singapore. Le veìcule cu 'nu sule chiane sonde generalmènde ausate luènghe le tratte cu mène passeggere.

'U traghette jè 'nu mezze de trasporte ausate pè scè jndr'à lle isole perifereche d'u territorie, le nuève cetate e le 'nderne d'u puèrte de Victoria. Le servizie sonde gestite da operatùre ce tènene l'apposite licenze.

Hong Kong jè ôsce dotate de 'nu sule aeropuèrte attive: l'Hong Kong International Airport recentemènde quagghiate pè sostituì 'u vècchie Kai Tak International Airport. L'aeropuèrte jè l'hub prengepàle de le combagnie aeree: Cathay Pacific, Dragonair, e Air Hong Kong.

File:Pauliyas Hongkong.jpg

 

Vedute de Hong Kong

•  
  Skyline
  Immaggene tipeche de Hong Kong, ca fàce vedè 'a modernità d'a zone ed 'a ìerte denzetà de popolazziune
•  
  Stemme bretànneche de Hong Kong
  Stemme precedende, cu lione caratteristeche de le bretànneche
•  
  Victoria Harbour
  'U trafficate puèrte de Hong Kong viste da 'u municipie
•  
  Sckife tipeche 'nzign'ô puèrte
•  
  Hong Kong
  L'isole de Hong Kong cu le soje grattacièle viste da 'u mare

• Mass Transit Railway
• Battagghie de Hong Kong

•   Uicchiquote tène citazioni de oppure sus Hong Kong
•   Uicchimedie Commons tène files multimediale sus Hong Kong

• James Clavell. Tai-pan, 1966. ed. Bompiani, 2005. ISBN 88-452-4586-1 - Famuse rumanze sus 'a nascite de Hong Kong 'n seguite ad 'a Prime uerre de l'oppie.
• 'Nu magazzine oriendàle: 'Na colleziune illustrate de documènde sus 'a storie de Hong Kong
• 'U cineme de Hong Kong: Sorie, Arte, Idendità
• Modellaziune Matemateche d'u sveluppe polìteche ed economeche de Hong Kong
• Forte e Pirate – 'A storie de Hong Kong
• 'A storie de condorne de Hong Kong
• 'A storie de Hong Kong: State e Società sutte le reghele coloniale
• Guverne e Polìteche: 'Nu documèndarie storeche sus a Hong Kong
• 'A Storie Muderne de Hong Kong
• 'Na terre pigghiate 'n prestite: 'a storie de Hong Kong

• (EN, ZH) Site ufficiale d'u guverne de Hong Kong
• News aggiornate sus 'a Cine e Hong Kong
• Site turisteche ufficiale
• Schede de Hong Kong de Viaggiare Sicuri - Site curate da 'u Ministere de le Estere e da l'ACI
• Schede de Hong Kong de Frommers
• 'U guverne de Hong Kong – Cenzimènde e Departemènde de Statisteche
• 'U guverne de Hong Kong – Schede tecneche
• Congiglie leggislative de Hong Kong – Site ufficiale d'u cuèrpe leggislative
• Hong Kong sus 'a 'Ngeclopedije Bretànneche
• Hong Kong sus a UCB Libraries GovPubs
• Viste da 'u WikiSatellite de Hong Kong sus a WikiMapia