जावा
जावा (इन्दोनेसियन भासय् Jawa; जावा भासय्: ꦗꦮ) इन्दोनेसियाया छगू मू द्विप ख। १ कोटि ४३ लखः जनसंख्या नापं थ्व टापू हलिंया दकलय् अप्व जनसंख्या दूगु उप-राष्ट्रिय स्तरया टापू ख। नापं थ्व टापू हलिंया दकलय् अप्व जनघनत्त्व दूगु थासय् छगू ख। जावाद्विपय् इन्दोनेसियाया ५७% जनसंख्या च्वनिगु या। इन्दोनेसियाया राजधानी जकार्ता पश्चिमी जावाय् ला। इन्दोनेसियाया इतिहासया आपालं झका थ्व हे टापूइ जूगु दु। ऐतिहासिक रुपय् थ्व टापू शक्तिशाली हिन्दू-बौद्ध साम्राज्यतेगु केन्द्र, मुस्मां सल्तनत, साम्राज्यवादी डच इस्त इन्दिजया केन्द्र जुसें वर्तमानय् इन्दोनेसियाया छगू मू भूभाग जूगु दु। सन् १९३० व सन् १९४०या दशकया इन्दोनेसियामि स्वतन्त्रता संग्रामया केन्द्र नं जावा हे ख। अथे जूगुलिं, जावां इन्दोनेसियाया राजनीति, अर्थतन्त्र व तजिलजिइ यक्व प्रभाव दयेकूगु दु।
| Native name: Jawa-Template:Jav | |
|---|---|
 जावाया बँ-किपा | |
 | |
| भूगोल | |
| थाय्बाय् | दक्षिण पूर्व एसिया |
| कोअर्दिनेत | 7°29′30″S 110°00′16″E / 7.49167°S 110.00444°E 110°00′16″E / 7.49167°S 110.00444°E |
| आर्किपेलागो | वृहद सुन्दा द्विपपुचः |
| क्षेत्रफल | 138,794 km2 (53,589 sq mi) |
| Area rank | १३ |
| तःजाःगु जाः | ३,६७६ m (१२,०६० ft) |
| तःजाःगु च्वका | सेमेरु |
| Country | |
| प्रान्त | Banten, Special Capital Region of Jakarta, West Java, Central Java, East Java, Yogyakarta Special Region |
| दकलय् तःधंगु नगर | जकार्ता |
| Demographics | |
| जनसंख्या | १कोटि, ४३ लखः (as of 2014) |
| जनघनत्त्व | १,११७ /km२ (२,८९३ /sq mi) |
| जनजाति | जावामि (inc. Cirebonese, Tenggerese, Osing, Banyumasan), सुन्दामि (inc. Bantenese, Baduy), बेतावि मनू, मदुरिज मनू |
ज्वालामुखी पर्वतया विष्फोटन जुया दयावःगु थ्व द्विप हलिंया १३गु दकलय् तःधंगु द्विप खः धाःसा इन्दोनेसियाया ५गु दकलय् तःधंगु टापू ख। थ्व टापूइ पूर्वं-पश्चिमय् छझ्वः पर्वः दयाच्वंगु दु। थ्व द्विपया मू भाय् जावानिज भाय् ख। जावायात प्यंगु प्रान्तय् बायातःगु दु- पश्चिम जावा, केन्द्रिय जावा, पूर्व जावा व बान्तेन। नापं, थ्व टापूइ निगु विशेष प्रशासनिक क्षेत्र दु- जकार्ता व योग्यकर्ता।
स्वयादिसँ
This article uses material from the Wikipedia नेपाल भाषा article जावा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.