Идалык пытыме марте 197 кече кодеш.
Пайрем да памятный дате-влак
Лӱмгече
- Танле лӱм-влак: Александр, Афанасий, Валерий, Елизар, Зосима, Кирилл, Леонтий, Мария, Марк, Марфа, Мефодий, Митрофан, Николай, Северин, Силан.
- Католик лӱм-влак: Лаура, Адольф.
Событий-влак
Тугак ончо: Категорий:Пеледыш тылзын 17 кечысе событий-влак
- 1967 ий — Китайыште водород бомбым ыштен луктыныт.
- 1982 ий — "Ка-50" сарзе вертолёт южыш икымше гана нӧлталтын. Вес семынже тудым «Чёрная акула» маныт.
Шочыныт
Тугак ончо: Категорий:Пеледыш тылзын 17 кечынже шочшо-влак
- 1920 ий — Леонид Васильевич Решетников, журналист да серызе, Кугу Отечественный сарын ветеранже, Виче вел Вӱрзым (Уржум) олан почетан гражданинже, РСФСР Кугыжаныш премийын лауреатше (1920-1990). Марий Тӱрек кундем Нольдур ял гыч. «Сибирские огни» журнал редакцийыште ыштен. СССР писатель ушемын еҥ.
- 1957 ий — Евгений Валерьянович Суслов, журналист, политолог да туныктыш пашаеҥ. Морко кылдалаш школым тунем пытарен. Умбакыжым уш–акылжым Пушкино радиоэлектроника кӱшыл училищыште пойдарен. Паша корныжо 1974-ше ийыште Моркысо «Контакт» заводышто тӱҥалын. 1983-ше ий гыч Евгений Валерьянович Урал армийын «На страже» газетын корреспондентше, тӱҥ редакторын алмаштышыже лийын. Умбакыже паша корныжо банкыште шуйнен. 1998-2001 ийлаште Марий Эл Республикысе печать да увер комитетын вуйлатышыже сомылым шуктен. Кызыт Евгений Валерьянович Марий кугыжаныш университетын туныктышыжо. Политик шанче кандидат.
Коленыт
Тугак ончо: Категорий:Пеледыш тылзын 17 кечынже колышо-влак
Калык пале
- Православийыште Митрофанын кечыже. Тиде кечын мландым кеч изиш да ӱяҥдаш кӱлеш маныныт. Южо кундемлаште шемшыдаҥым ӱдаш лектыныт. Тидлан ончыч кугымӧрым эскеренет: кугымӧр кӱаш тӱҥалын гын – шемшыдаҥ ӱдаш лекман веле.
This article uses material from the Wikipedia Олык Марий (Olyk Marij) article 17 пеледыш, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.