Yahoo!
Yahoo! kɛna nimasi nzi sɩ-yɔɔ ɛyaa tɩŋgʊna nɛ pɔyɔɔdʊʊna ɖama kɛlɛʊ yem yɔ.
Pɩkɛna Amerika kɩgaʊ ŋgbɛyɛ naɖɩyɛ nɛ ɖɩwɛ ndɔncɔlɩyɛ nimasi nzi payaɣ se wɛbɩ yɔ, ɖɩ-yɔɔ. Ŋgbɛyɛ nɖɩ palɩza-ɖɩ pɩnaɣ 1994 nɛ kpaɣna pɩnaɣ 2017 ɖɩsʊ aseɣɖe nɛ tɔm sʊzʊʊ ŋgbɛyɛ nɖɩ payaɣ-ɖɩ se Verson Mediya yɔ ɖi-nesi tɛɛ. Yahoo! tikiɖe yaa kpaaŋ sɔsɔʊ wɛ Suniyavale tɛtʊ taa, Kalifɔrni ɛjaɖɛ taa. Ɖooo kiɖe tɛɛ, David Filo nɛ Jerry Yang paalɩza Yahoo! kɛ Stanfɔrɩ sukuli sɔsɔʊ taa kɔlaɣ fenaɣ 1994 lɛ, pɩɩkɛna se pɔyɔɔdʊʊ aseɣɖe tɔm kɛ tʊma sɔsɔna naayɛ yɔɔ yaa tada labʊ nɛ ɛsɩnda wobu yɔɔ. Pɔkɔɔ papaɣzɩ pa-lɩmaɣza ana kɛ lakɩŋ fenaɣ taa pɩnaɣ 1995.
Ɛntɛrnɛtɩ tʊmɩyɛ nɖɩ payaɣ-ɖɩ se Alexa yɔ, ɖɩyɔɔdʊ se pɩnaɣ 2004 taa mba powilaɣ wɛbʊnaa yɔ, Yahoo! taa pakɩlaɣ sʊʊ. Piyele takayɩsɩ hatʊ yɔɔ lɛ, palɩza siti Yahoo! ɛzɩ miliyaɖɩnaa naatozo yɔ kɛ efemiye taa aloma fenaɣ 2004 taa. Siŋŋŋ taa lɛ, lakɩŋ fenaɣ 15 wiye pɩnaɣ 1994 kɛ Yahoo! ñɔ Santa Clara piyele has;ki yaɖɛ fenaɣ 29 wiye pɩnaɣ 2009 lɛ, Yahoo! kʊnɛ nɛ Mikrosoftɩ paɖʊ ŋgbɛyɛ nɛ palakɩ tʊmɩyɛ kʊɖʊmɖɩyɛ ɛntɛrɩnɛtɩ hɔɔlʊʊ taa. pʊkɔma hasɩ yaɖɛ fenaɣ 2016 lɛ, aseɣɖe nɛ tɔm sʊzʊʊ ŋgbɛyɛ nɖɩ payaɣ-ɖɩ se Verson Mediya yɔ, ɖɩya Yahoo! tʊmɩyɛ ɖɩnɛ. Pɩnaɣ 2017 taa Yahoo! pilinzi ndɩ ndɩ nzɩ sɩñɔɔ yɔ, sɩkpɛnda 8 600. Pɩnaɣ 2013 taa liidiya nɖɩ Yahoo! tʊma sʊzaa yɔ, awɛ ɛzɩ miliyaɖɩnaa 4,7 USD yɔ. Pɩ-taa lɛ, pɩwɩlʊ se liidiye nɖɩ ɖitiba ɛzɩ looɖo yɔ kɛ mɩnɩʊ taa.
This article uses material from the Wikipedia Kabɩyɛ article Yahoo!, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.