اونه مساحت فرانسه جه پیله تر ایسه. سال 1845 میان بیست و هشتمین آمریکا ایالت بوبوسته. قبلا تگزاس اسپانیا، فرانسه و مکزیک شین بو. قبل سال 1836 میان کی تگزاس آزادا بوسته، و مکزیک جه سیوا بوبوسته ، خوره ایتا کشور بنام تگزاس جؤموری بو. کی نه سال عمر بوگوده. تگزاس نام فگیفته بوبوسته جه تایشا کوگا، ایتا لوغت کادوآن زوان دورون (آمریکا بومیان) کی اونه معنا دس برار و دوست ایسه. تگزاس پیله شهران، هیوستون، دالاس، فورت فورث، سن آنتونیو، ال پاسو و آستین ایسه. آستین، تگزاس پایتخت ایسه. اَ ایالت پور جاذبه و خوجیر جیگا دره. فورت فورث ایتا شهری ایسه کی اونه صارا و چراگاه واستی شناسیدی. آماراییو ورزا و مانده بازار ایسه. دالاس ایتا صنعتی شهر ایسه و اونه پیله کارخانه هان وستی شناسیدی. آستین دورون، تگزاس معروفه دانشگاه نها.
آمریکاˇ نقشه و تگزاسˇ ایالت سورخ رنگ امره نشان بدا بوبوسته
تارئخ
اسپانیایئن اولین بار واستی سال 1528 میان تگزاس هتویی خوره خوره بیافتید. 1682 میان اسپانیایئن تگزاس خورتاب دورون جیگا بیگیفتید. اؤ زمات کی فرانسه مدعی بوبوسته بو ، اسپانیا ایتا کله بست و مذهبی جیگا چگوده. فرانسویان غرب تگزاس میان ایسا بید و مستعمره دَشتید. بین اسپانیایئن و تگزاس بومیان پور اختلاف نها بو. و اَ دوره میان مهاجرت تگزاس دورون متوقف بوبوسته. بومیان شورش امره چتین جنگان پیش بومو و پور خون فووسته. اسپانیا بین سال 1745 تا 1789 میان آتش بس اعلا بوگوده اَ خونی جنگان واستی. سال 1803 آمریکا ایتا پیله صارا فرانه ورجا بیهه کی اونه دوخادید لوئیزیانا. و مردوم بین اسپانیا و آمریکا کی تگزاس سر مدعی بید اویرا بوستید. وختی کی مکزیک سال 1821 میان ، اسپانیا جه سیوا بوبوسته
جوغرافیا
تگزاس دومی پیله ایالت آمریکا میان (بعد آلاسکا) ایسه. و پیله تر جه همه اروپایی کشوران به استثنای روسیه ایسه. اَ ایالت میان کوهستان، بیابان، صارا، پره سر، وجود دره. تگزاس پیله روبار، ریو گرانده (اینگیلیسی: Rio Grande) نام دره و اونه جاجیگاه مرز بین آمریکا و مکزیک ایسه. تگزاس بولنده کوه ،گوادالوپ (اینگیلیسی: Guadalupe) ایسه.
سربس
This article uses material from the Wikipedia گیلکی article تگزاس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.
