ڤلاديمير ڤلاديميروڤيتش پوتين (ب رّوسية Влади́мир Влади́мирович Пу́тин) (تولد ف 7 أكتوبر 1952 ف سان پيطيرسبورݣ) هو سياسي و ؤفيسير قديم د لمخابرات روسي، لّي دابا عندو لمنصب د رئيس روسيا من 2012. كان رئيس روسيا تا من 2000 ل 2008، ومن 2008 ل 2012 كان رئيس لووزارا تحت من رّئيس ديميطري ميدڤيديڤ.
ف 17 مارس، لمحكامة الجنائية الدولية صدرات مدكرة د لقبض على ڤلاديمير پوتين، و على لمسؤولة الروسية ماريا لڤوڤا بيلوڤا، ب تهمة خطف لأطفال ف ؤكرانيا.
تولد ڤلاديمير پوتين نهار 7 أكتوبر 1952 ف سان پيطيرسبورݣ، اللي كانت سميتها ديك لوقت لينينݣراد. قرا لقانون ف لجامعة د مدينتو وتخرج منها ف 1975. من موراها نيشان خدم معا لمخابرات ديال ليتيحاد السوڤياتي (КГБ) وبقا فيها 16 لعام ف بزاف د لمناصب تا وصل لرتبة ليوطنون كولونيل، وستاقل ف 1991 باش يبدا السياسة ف مدينتو نيت.
ف 1996، مشا پوتين ل موسكو ودخل معا لإدارة د الرئيس بوريس ييلتسين، فين خدا لمنصب د رئيس لمخابرات الروسية (ФСБ)، قبل ما يولي رئيس ووزارا د روسيا ف غشت 1999. ف دجنبر 1999 ستاقل ييلتسين من الرئاسة د روسيا وولا پوتين هو الرئيس لمؤقت، حتا تنظمات نتيخابات وولا هو الرئيس لفعلي د روسيا ف عام 2000.
تقدر تزيد شوف بزاف د تّصاور و لمعلومات ديال Vladimir Putin ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article ڤلاديمير پوتين, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.