Wadya Anggegana

Wadya anggegana lumrahé dumadi saka pesawat tempur, pesawat pembom, hèlikopter, pesawat angkut, lan pesawat udara liyané. Wadya anggegana uga tanggung jawab babagan kagiyatan militèr ing akasa, kaya déné pluru kendhali balistik antar bawana lan komunikasi satelit. Sawetara wadya anggegana uga ngepalani aset-aset pertahanan udara kaya artileri anti-udara, peluru kendhali dharat tumuju udara, lan sistem pertahanan udara liyané.

Angkatan Udara lumrahé nganggo warna-warna montor mabur lan peralatan, antarané:

• Pesawat tempur utawa Fighter;
• Pesawat pembom utawa Bomber lan Attack Aircraft, kanggo nyerang sasaran dharat;
• Pesawat pengintai;
• Perang Èlèktronika (Pernika)
• PesawatPernika;
• Pesawat Patroli Maritim;
• Pesawat kargo utawa transpot;
• Pesawat tanker;
• Helikopter;
• lan Pesawat latih.

Artikel utama: TNI Angkatan Udara

 

Wadya anggegana ing Indonésia ingaran Tentara Nasional Indonesia-Angkatan Udara (TNI-AU), ya iku péranganing Tentara Nasional Indonesia kang dipanggedhèni déning Kepala Staf TNI Angkatan Udara, dicekak KSAU kang wektu iki diwengku déning Marsekal TNI Herman Prayitno. TNI-AU duwèni loro komando operasi ya iku Komando Operasi Angkatan Udara I (Koops AU I) kang markasé dumununbg ing Halim Perdanakusumah, Jakarta lan Komando Operasi Angkatan Udara II (Koops AU II) kang markasé ing kutha Makassar.

Miturut UU TNI pasal 10, Angkatan Udara duwé:

• nindakaké tugas TNI matra udara ing babagan pertahanan;
• njejegaké ukum lan njaga kaamanan ing wewengkon udara yurisdiksi nasional miturut katentuan ukum nasional lan ukum internasional kang wis diratifikasi;
• nindakaké tugas TNI sajeroning pangyasa lan pengembangan kakuwatan matra udara; sarta
• nindakaké pemberdayaan wewengkon pertahanan udara.