Pediatri utawa ngèlmu kaséhatan anak iku spesialisasi kadhokteran kang magepokan karo bayi lan bocah.
Tembung pediatri dijupuk saka basa Yunani kuna, paidi (παιδί) kang tegesé "bocah" lan iatros (ιατρός) kang tegesé "dhokter". Sapérangan gedhé dhokter anak minangka anggota saka badan nasional kaya Ikatan Dhokter Anak Indonésia, American Academy of Pediatrics, Canadian Pediatric Society, lan sapanunggalané. Abraham Jacobi iku bapak pediatri.
Pediatri béda karo kadhokteran diwasa. Prabédan fisik awak kang jelas lan kamatengan pertumbuhan ndadèkaké kaséhatan anak madeg minangka spesialisasis dhéwé. Awak kang luwih cilik saka bayi duwé aspèk fisiologis kang béda karo wong diwasa. Aspèk kadhokteran liyané mèlu kapengaruhan kaya déné defek kongenital, onkologi, lan immunologi. Cekaké, nangani pasien anak ora kaya nangani pasien diwasa "versi cilik".
Mangsa kanak-kanak iku periode pertumbuhan, perkembangan, lan kematengan gedhé dhéwé ing manéka organ awak.
Ing abad kaping-19 siji saka limang bocah tilar donya sadurungé umur 5 taun. Sebagian gedhé pepati iku disebabaké déning lelara nular. Saiki sawetara pepati iku dicegah kanthi nambani lelara wektu kadadéan. Sapérangan gedhé manèh kanthi nyegah lelara liwat imunisasi.
Dhokter anak uga nyoba nyegah lelara lan tatu liya sadurungé kadadéan. Dhokter anak ngajari para wong tuwa ngenani kaamanan lan gizi, bisa uga ngajari bocak-bocah kang luwih tuwa ngenani cara ngédhani tatu utawa kecanduan alkohol lan rokok. Amarga mangsa cilikan iku wujud mangsa owah-owahan, pancegahan minangka pérangan utama pediatri.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Pediatri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.