Ing jagat pulitik, palinggih (cara Inggris: incumbent), iku wong kang pinuju manggoni siji kalungguhan pulitik.
Panganggoné tembung iki sok gegayutan karo pilihan umum kang caloné iku ana kang lagi kadhapuk (linggih) ing kalungguhan pulitik. Tuladhané, ing Pilihan Umum Présidhèn Indonésia 2009, salah siji calon présidhèné iku Susilo Bambang Yudhoyono kang minangka palinggih amarga pinuju linggih présidhèn. Ing saingan kursi-binuka (palinggih ora nyalonaké awaké dhéwé), tembung "palinggih" iku kanggo ngarani calon saka parté kang lagi kuwasa.
Tembung "palinggih" asal saka tembung Jawa Kuna "apaliṅgih" utawa "mapaliṅgih" kang tegesé 'manggoni singasana'. Ing telung sumber kang ngemu tembung mau, yaiku Nāgarakṛtāgama, Tantri (Kaḍiri), lan Waseᶇ Sari, tembungé mesthi muncul sawisé tembung "saṅ" ('sang'). Old Javanese-English Dictionary (OJED) madhakaké tembung "apaliṅgih" karo tembung Inggris "incumbent".
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Palinggih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.