Montor mabur iku kendharaan kang bisa mabur ing atmosfer utawa udara.
Montor mabur kang luwih abot saka udara diburaké pisanan déning Wright Sasedulur (Orville Wright lan Wilbur Wright) kanthi migunakaké montor mabur rancangané dhéwé kang dijenengi Flyer kang diluncurké taun 1903 ing Amérika Sarékat. Saliyané Wright sasedulur, kacathet sapérangan panemu montor mabur liya kang nemu montor mabur, antarané Samuel F Cody kang nglakokaké aksiné ing lapangan Fanborough, Inggris taun 1910. Éwadéné kanggo montor mabur kang luwih ènthèng saka udara wis mabur adoh sadurungé. Panerbangan pisanan kanthi migunakaké balon udara panas kang tinemu sawijining wong kabangsan Prancis kang jenengé Joseph Montgolfier lan Etiene Montgolfier dumadi nalika taun 1782, nuli disampurnakaké déning wong Jerman kang jenengé Ferdinand von Zeppelin kanthi modhifikasi balon wangun cerutu kang dipigunakaké kanggo nggawa penumpang lan barang nalika taun 1900. Ing taun taun sabanjuré, balon Zeppelin nguwasani pangangkutan udara nganti musibah kapal Zeppelin ing lelampahan trans-Atlantik ing New Jersey 1936 kang nengeri akiré era Zeppelin sanajan isih dipigunakaké nyeraksi Perang Donya II. Sawisé jaman Wright, montor mabur akèh ngalami modhifikasi, saka rancang bangun, wangun lan mesin montor mabur kanggo nyukupi kabutuhan transportasi udara.
This article uses material from the Wikipedia Basa Jawa article Montor mabur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.