Krangkungan

Krangkungan
Klasifikasi ngèlmiah
Karajan:	Plantae
Unranked:	Angiosperms
Unranked:	Eudicots
Unranked:	Asterids
Ordho:	Solanales
Famili:	Convolvulaceae
Génus:	Ipomoea
Spésies:	I. carnea
Jeneng binomial
Ipomoea carnea Jace.
Sinonim
ex Choisy

Krangkungan (Ipomoea carnea) ya iku salah siji spésiès saka génus Ipomoea kang asring tinemu ing sawah. Tuwuhan iki duwèni godhong wangun ati warna ijo, dawané 15–23 cm. Tuwuhan iki gampang tindandur kanthi stèk utawa isiné. Isiné ngandhut racun kang bebayani tumrapé sato kéwan, lan tinemu uga ing godhongé. Watangé bisa digunakaké dadi kertas, lan duwé pigunan dadi obat kan identik marang marsilin lan antikonvulsan. Tuwuhan iki asalé saka Amérika tropis (kolombia, Kostarika, Guatemala). Kembangé wujud trompèt warna ungu nom, putih, utawa putih semu jambon. Tuwuhan iki isih sadulur cedhak saka kangkung. Watangé nggronggong, empuk tanpa kayu, lan nlutuh.

Tuwuhan iki duwé sebutan kang akèh, antarané: dolop, dolob, doblop, tongkèng, jaka tawa, krangkong, kangkung tirta, kangkung kirta, keyangkong, wangkong, kerangkon, krangkongan, solor kangkung, kangkung sabrang, klemot, lung landa, lung mantang, sabrang, kotong, dlemot, plumpungan, klorak, corongan, tropongan, manthang, ulok-ulok, uluk-uluk, tapèl walèt, samblah, plok-plik, telan, klongkong, slodhah, lomanthang, lodhah, lan kembang tablo.