Gréja Ortodhok, iku dhénominasi gréja Kristen kang pandhèrèk mligi ana ing Éropa Wétan lan laladan pasisir wétan Laut Tengah.
Kajaba iku, Gréja Ortodhok uga ana ing India, Jepang, lan saiki uga ing Indonésia.
Bagéyan saka seri artikel ngenani Kakristenan | |
Dasar Alkitab: Ajaran: Gréja Kristen: Topik-Topik Ing Kakristenan: Ibadat Kristiani: Kapercayan sing kakait: |
Gréja Ortodhok Wétan, kanthi resmi karan Gréja Katulik Ortodhok lan asring sinebut Gréja Ortodhok, iku Gréja Kristen gedhé dhéwé nomer loro ing donya, kanthi gunggung pandhèrèk watara 225–300 yuta, mligi ing Wétan lan Éropa Kidul-wétan lan Wétan Tengah. Iki wujud dhénominasi agama kang mayoritas saka populasi ing Ruslan, Bélarus, Ukraina, Moldova, Georgia, Romania, Serbia, Montenegro, Makedonia, Bulgaria, Yunani, lan Siprus; populasi minoritas kang signifikan ana ing Lebanon, Yordania, lan Suriah. Iki mulangaké yèn Gréja kang Siji, Suci, Katulik, lan Apostolik diyasa déning Yésus Kristus lan para Rasulé watara 2,000 taun kapungkur.
Gréja Ortodhok kasusun saka sapérangan lembaga gréjawi kanthi papréntahan-dhéwé, kanthi géografis lan nasional kang béda nanging tunggal téologis. Saben lembaga papréntahan-dhéwé (utawa otosefalus), asring nanging ora mesthi nyakup sawijining nagara, dituntun déning sawijining Sinode Suci kang tugasé, ing antarané, yaiku kanggo nglestarèkaké lan mulang karasulan lan tradhisi patristik lan pratik gréja kagandhèng. Kayadéné Gréja Katulik Roma, Komuni Anglikan, Greja Asiria Wétan, Ortodhok Oriental lan sapérangan gréja liyané, biskop Ortodhok nlusuri silsilahé marang para rasul liwat prosès panggantian apostolik.
Adhedhasar gunggung umat, Ortodhoki Wétan iku komunitas Kristiani gedhé dhéwé kaloro ing donya sawisé Gréja Katulik Roma. Èstimasi paling umum ngenani gunggung umat Kristen Ortodhok Wétan ing saindhenging donya kisarané watara 225-300 yuta jiwa . Ortodhoki Wétan iku agama tunggal gedhé dhéwé ing Bélarusia (89%), Bulgaria (86%), Républik Siprus (88%), Georgia (89%), Yunani (98%), Républik Makedonia (70%), Moldova (98%), Montenegro (84%), Romania (89%), Ruslan (88%), Serbia (88%), lan Ukraina (83%). Ortodhoki Wétan uga wujud agama dhominan ing Républika Srpska (92%) èntitas ing Bosnia lan Herzegovina, sarta agama dhominan ing Kazakhstan Lor (48% saka populasi Kazakhstan). Kajaba iku, ana uga sapérangan gedhé komunitas Ortodhok ing Afrika, Asia, Australia, Amérika Lor, lan Amérika Kidul.
This article uses material from the Wikipedia Basa Jawa article Gréja Ortodhok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.