Gréja Katulik
Paus: Fransiskus Dewan Kardinal Konsili Ekumenis Kebijakan Episkopal • Ritus Latin Gréja-Gréja Katulik Wétan
| Bagian saking sèri bab Gréja Katulik | |
 | |
| Organisasi | |
|---|---|
| Latar Wingking | |
| Sajarah • Kristianitas | |
| Teologi | |
| Trinitas (Hyang Rama, Hyang Putra, Hyang Roh Suci) | |
| Liturgi lan Peribadatan | |
| Liturgi Katulik Roma | |
| Ritus | |
| Romawi • Armenia • Aleksandria | |
| Topik-topik Katulik | |
| Ekumenisme • Monastisisme | |
Gréja Katulik, ingkang ugi sinebat Gréja Katulik Roma, punika Gréja Kristen paling ageng ing donya, lan gadhah 1,4 milyar anggota, inggih punika kinten-kinten setengah saking sedanten umat Kristiani lan sepraenem saking populasi donya. Gréja Katulik punika satunggal komuni (pasekuton) saking Ritus Kilèn (Ritus Latin) lan 22 Gréja Katulik Wétan (dipunsebat gréja-gréja partikular), ingkang mbentuk 2.795 kauskupan ing 2008.
Otoritas kadonyan paling inggil Gréja punika wonten ing babagan iman, moral lan pamaréntahanipun inggih punika Sri Paus, wekdal punika Paus Benediktus XVI, ingkang nyepeng otoritas paling inggil sesarengan kaliyan Dewan Biskop, ingkang dipunketuani piyambak. Komunitas Katulik dumados saking panglados-umat katahbis (rohaniwan) lan umat awam; rohaniwan utawi umat awam saged ugi dados anggota saking komunitas-komunitas religius.
Gréja punika ndefinisèkaken manawi misinipun inggih punika martakaken Injil Yesus Kristus, ngladosi sakramèn-sakramèn lan ngayahi karya amal. Gréja punika nglampahi program-program lan lembaga-lembaga sosial ing donya, kalebet ugi sekolah-sekolah, universitas-universitas, griya-griya sakit, misi-misi lan perumahan, sarta organisasi-organisasi kados Catholic Relief Services, Caritas Internasionalis lan Catholic Charities ingkang mbiyantu kaum papa, kulawargi-kulawargi, tiyang-tiyang jompo, lan tiyang-tiyang sakit.
Langkung suksesi apostolik, Gréja punika pitados bilih dhirinipun minangka kalajengan saking komunitas Kristiani ingkang dipunadegaken déning Yesus kaliyan nahbisaken Santo Petrus, satunggal pandhangan ingkang ugi dipunanut déning kathah sajarawan. Gréja punika netepaken dhoktrin-dhoktrinipun liwat manéka konsili ekumenis, nulad para rasul sepindhahan ing Konsili Yerusalem. Kanthi dhasar janji-janji Yesus dhumateng rasul-rasulipun ingkang kasebat wonten ing Injil, Gréja punika pitados manawi dipuntuntun déning Hyang Roh Suci lan amargi saking punika kalindhungi saking kasalahan dhoktrin.
Kayakinan-kayakinan Katulik dipundhasaraken dhumateng deposit iman (nyakup Kitab Suci lan Tradhisi Suci) ingkang dipunwarisi saking jaman Rasul-Rasul, lan ingkang dipuninterpretasi déning Otoritas Pangajaran Gréja. Keyakinan-keyakinan kasebat karangkum wonten ing Kredo Nicea, lan kanthi resmi dipunrinci wonten Katekismus Gréja Katulik. Peribadatan Katulik ingkang formal, ingkang dipunsebat liturgi, dipunatur déning otoritas Gréja. Ekaristi, salah satunggal saking pitung sakramèn Gréja lan pérangan wigatos saking saben Misa Katulik utawi Liturgi Suci Katulik Wétan, punika pusat saking peribadatan Katulik.
Kanthi sajarah ingkang kalih èwu taun, Gréja punika minangka salah satunggal lembaga paling sepuh ing donya lan gadhah peran wigatos ing salebeting sajarah peradaban Kilèn sabotenipun wiwit abad kaping 4. Ing abad kaping 11, satunggal perpecahan ageng, ingkang sok dipunsebat Skisma Akbar, dumadi antawisipun Kristianitas Wétan lan Kilèn ingkang mliginipun dipunakibataken awit padudon babagan primasi kepausan. Gréja-Gréja Wétan ingkang tetep lan ingkang tembé wingking manunggal kaliyan Biskop Roma, Sri Paus, mbentuk Gréja-Gréja Katulik Wétan, lan Gréja-Gréja ingkang tetep wonten ing njawi otoritas kepausan limrahipun dipunsebat minangka Gréja-Gréja Ortodoks Wétan. Ing abad kaping 16, ugi minangka tanggepan dhumateng tuwuhipun Reformasi Protèstan ing Éropah Kilèn, Gréja punika nyelenggarakaken prosès reformasi lan renovasi internal, ingkang dipuntepangi minangka Kontra-Reformasi.
Senaos Gréja punika mratélakaken minangka "Gréja ingkang satunggal, suci, katulik, lan apostolik," dipunadegaken déning Yesus Kristus, panggénan tiyang saged manggih kapenuhan sarana kaslametan, Gréja punika inggih ngakeni manawi Hyang Roh Suci saged migunakaken komunitas-komunitas Kristiani sanèsipun kanggé mbekta tiyang tumuju kaslametan. Gréja punika pitados manawi panjenenganipun dipuntimbali déning Hyang Roh Suci kanggé ngupadosaken kamanunggalan umat Kristiani, satunggal obahan ingkang dipuntepangi minangka ekumenisme. Tantangan-tantangan modhèren ingkang dipunadhepi Gréja punika nyakup bangkitipun sekularisme lan panentangan dhumateng sikap bab aborsi, euthanasia, kontrasepsi, lan moralitas sèksual.
Cathetan suku
Pratélan pustaka
- "Catechism of the Catholic Church". Libreria Editrice Vaticana. 1993.
- "Compendium of the Catechism of the Catholic Church". Libreria Editrice Vaticana. 2005.
- "Annuarium Statisticum Ecclesiae (Annual Church Statistics)". EWTN. July 2004. Dibukak ing 2006-09-14.
- Carroll, Warren (October 2004). History of Christendom. Christendom Press. ISBN 0-931888-21-2. 4 Volumes.
- Central Statistics Office (2006). Annuario Pontificio. Libreria Editrice Vaticana. ISBN 88-209-7806-7.
- Crocker, III, H. W. (November 2001). Triumph: The Power and the Glory of the Catholic Church: A 2,000-Year History. Prima Lifestyles. ISBN 0-7615-2924-1.
- Herbermann, Charles G.; et al. (April 1913). "Catholic Encyclopedia". Encyclopedia Press.
- Hughes, Philip (1947). A History of the Church: The World in Which the Church Was Founded. Sheed & Ward. ISBN 0-7220-7981-8.
- Miller, Adam S. (1997, 2006). The Roman Catholic Church: A Divine Institution or a Human Invention?. Tower of David Publications.
- Woods, Jr., Thomas (May 2005). How the Catholic Church Built Western Civilization. Regnery Publishing. ISBN 0-89526-038-7.
Pranala njawi
- Vatican: the Holy See situs web resmi Vatikan
- Catholic Hierarchy Informasi mengenai para biskop Katulik lan keuskupan-keuskupan
- The Cardinals of the Holy Roman Church Informasi mengenai para Kardinal Gréja Katulik
- Global Catholic Statistics: 1905 and Today déning Albert J. Fritsch, SJ, PhD
- Catholic Answers Salah satunggal saking apostolat-apostolat apologetika lan evangelisasi Katulik terbesar ingkang dikelola déning umat awam
- Mary Foundation CD gratis berisi ringkasan ajaran Gréja Katulik mengenai Misa, Maria, dst.
- American Catholic Pertanyaan-pertanyaan Gréja Katulik-FAQ mengenai Katolisisme
- Catholic Wiki-Satunggal situs orthodox wiki ingkang dibaktikan bagi pengumpudan limpahan informasi mengenai Gréja Katulik
- MassTimes-Satunggal database komprehensif saking sedanten Gréja lan Misa Katulik ing sedanten donya
- ParishesOnline Archived 2015-04-28 at the Wayback Machine.-U.S. directory of the Catholic Church.
This article uses material from the Wikipedia Basa Jawa article Gréja Katulik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.