Gong kemodong duwé aran liyan kang rada akèh ya iku gong kemada, gong anggang-anggang, gong genthong, gong jemblok, lan gong jun.
Biasané, waditra/ricikan iki dicawisi siji kanggo rong laras gamelan. Rupa gong kemodong iki nganggo rong wilah kang ukurané gedhé minangka sumber muniné. Amarga iku ricikan iki lumebu ing golongan ricikan wilah ageng kang dipepaki pencu kang uga ukurané gedhé. Dhapukan ricikan iki lumebu ing golongan ricikan panandha. Muni ricikan gong kemodong dikasilké nganggo cara nabuh pencu’ne nganggo gada tanggung. Ujung gada mau dipepaki karo iketan tali lan kain saéngga ngebentuk bola bulet. Swara gong kemodong digawé melang-melung lan duwé getar swara kang cukup suwé. Ricikan iki biasané ditemoké ing daérah padésan ing Pulo Jawa minangka jejangkep gamelan prasaja.
This article uses material from the Wikipedia Basa Jawa article Gong kemodong, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.