Gendul

Gendul nduwéni gulu kang luwih ciyut tinimbang awaké. Gendul lumrahé digawé saka gelas, plastik, aluminium, lan bisa uga kanggo nyimpen cuwèran kaya banyu, susu, minuman ringan, bir, anggur, obat, sabun cair, tinta. Gendul saka plastik lumrahé digawé kanthi ekstrusi. Piranti kanggo nutup botol diarani tutup botol (eksternal) utawa sumbat (internal). Gendul uga ditutup kanthi ségel induksi.

Gendul tinemu ing Inggris ing abad 14. Gendul asalé saka basa Prancis boteille lan basa latiné butticula. Gendul ana sing digawé saka gelas utawa kaca lan ana sing digawé saka plastik. Ukurané uga ana sing gedhé lan cilik. Gendul kang cilik lumrahé kanggo wadhah parfum utawa lenga wangi. Gendul kang digawé saka plastik duwé kodhe utawa simbol segitiga ing pérangan ngisor gendul. Ing sanjeroné simbol segitiga iki ana angka. Angka iki nuduhaké botol iki bisa dianggo manèh sawisé tau dianggo utawa malah mbebayani yèn dianggo manèh. Botol kang digawé saka kaca bisa dienggo manèh utawa diisi ulang. Gendul uga bisa didaur ulang lan digawé barang liyané. Saliyané gendul kang kanggo wadhah kécap, saos, ana uga gendul kang digawé mirunggan kanthi wujud lan modhél kanggo bayi, gendul iki digawé kanggo wadhah susu bayi lan kanggo ngombé bayi.