Ganja

Cannabis (Ganja)
Godhong Ganja
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Urticales
Famili:	Cannabaceae
Génus:	Cannabis
Spésies:	C. sativa
Jeneng binomial
Cannabis sativa Linnaeus
Subspecies
C. sativa L. subsp. sativa C. sativa L. subsp. indica

Tuwuhan ganja racaké digawé dadi rokok mariyuana.

Ganja kalebu tuwuhan herba kang jejeg. Uripé setaun langsung panèn, dhuwuré lumrahé 1-1,5 m. Ganja duwé pang. Nalika enom rambuté akèh. Godhong ganja thukul ing pangkal gagang. Godhong ganja duwé gagang dawa, stipula bébas lan dhapuré kaya benang utawa kaya tombak.

Ginje jawa (Jawa), ganja, bakong, on mangat, ata pulo, gelek (Acèh).

Ganja urip ing panggonan kang duwé iklim tropis kang lembab. Tujuwané kanggo mrodhuksi résin narkotik. Serat kang optimal bisa diasilaké nalika ganja urip ing tlatah kang suhuné 15-27 drajat celcius. Ganja thukul paling akèh ing Acèh.

Ganja bisa ditangkaraké wijiné. Wiji nukulaké cambah ing temperatur asor nanging ora sangisoré 1 drajat celcius. Temperatur lemah 10-12 drajat celcius paling apik kanggo urip ganja. Yèn nganggo cara vegetatif bisa kanthi cara stèk. Nanging ana biokimia lan morfologi kang béda antarané ganja kang thukul saka wiji lan kang ditangkaraké kanthi cara vegetatif.

Ganja duwé akèh mupangat.

• ngaktifké sistem sèl
• nyehatké jiwa lan raga, kanggo tamba lelara
• èfèktif kanggo ngundhakaké kinerja polo tengen
• èfèktif kanggo panlitèn lan pangkajian IPTEK
• kanggo ngundhakaké ènergi alam ngisor sadhar

Nanging yèn nganggo ganja kanthi dosis kang luwih bisa mbebayani kanggo kaséhatan lan bisa njalari ketagihan.