Empal Gentong
Empal gentong inggih punika satunggaling dhaharan ingkang khas tumrap masyarakat Cirebon, Jawa Kulon.
Dhaharan punika mirip kaliyan gulai utawi gule lan dipunmasak kanthi ngginakaken kayu (wit pelem) wonten ing sajroning gentong (periuk saking lemah). Daging ingkang dipunginakaken inggih punika usus, babat lan daging sapi. Empal gentong punika asalipun saking Kabupaten Cirebon. Dhaharan ingkang khas saking kutha Cirebon sanesipun inggih punika wonten tahu gejrot lan ugi docang.
Kejawi ngginakaken kayu lan gentong, dhaharan punika dipuncawisaken kanthi ngginakaken kucai(Allium tuberosum) lan ugi sambel ingkang wujud lombok garing ingkang dipungiling. Dhaharan empal gentong punika saged dipuncawisaken kaliyan sekul utawi ugi saged ngginakaken lonthong. Lonthong punika miturut tuyang Cirebon namung awujud beras ingkang dipunlebetaken wonten ing rong gedhang ingkang sampun dipundamel wujud silinder. Nanging boten wonten campuran ingkang sanesipun, lajeng dipungodhog sedangunipun 4 jam.
This article uses material from the Wikipedia Basa Jawa article Empal gentong, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.