Daejeon inggih punika kutha ingkang paling ageng angka 5 wonten inng Korea Kidul.
Cacahipun pendudukipun punika luwih saking 1,5 yuta wong (2010) sawetawis wiyaripun inggih punika 539,84 km². Kutha punika dados papan ngawontenaken Piala Dunia FIFA 2002.
Wewengkon Daejeon kanthi historis punika dipuntepangi minangka Hanbat (한밭), wonten ing basa Korea ingkang ateges "sabin (sawah) ingkang wiyar". Istilah "Daejeon" punika ateges bab ingkang sami wonten ing Hanja (aksara Tionghoa). Kados ingkang dipuncathet wonten ing sejarah, Daejeon punika kawiwitan saking satunggaling desa alit ingkang kathah pendudukipun. Nanging ing taun 1905, jalur sepur Gyeongbu wiwit dipunginakaken saking Seoul dhateng Busan. Kejawi punika ugi mbikak satunggaling stasiun kanggé mandeg wonten ing Daejeon. Boten dangu saklajengipun wonten ing taun 1926, nalika wonten ing mangsa pamarentahanipun Jepang, jalur sepur Honam dipunbangun ing antawisipun Daejeon lan Mokpo, ingkang ngewahi Mokpo dados satunggaling penghubung utama transportasi (major transportational hub). Menika amargi papan geografisipun lan raketipun transportasi, Daejeon tuwuh ngrembaka kanthi rikat.
Wonten ing taun 1932, ibukota provinsi Chungnam punika dipunpindhah saking Gongju dhateng Daejeon. Saksampunipun kalih éwah-ewahan watesing kutha Daejeon, ingkang saged damel kutha Daeduk ingkang mapan wonten ing sisihing dados bagiyan saking Daejeon, kutha punika dados satunggaling kutha metropolis ing taun 1993.
Wonten ing taun 1997, nalika wonten desentralisasi populasi wonten ing Seoul, Daejeon Government Complex dipunbangun lan minangka asilipun populasi Daejeon punika sansaya tambah. Samenika tuwuhing populasi Daejeon mapan wonten ing angka kalih ing negara punika, saksampunipun Seoul. Saged ngasilaken sapérangan ageng proyek-proyek kompleks apartemen lan industri kanthi teknologi inggil wonten ing Yuseong-gu.
Daejeon punika dipunperang dados 5 distrik ("Gu").
Nama | Hangul | Hanja |
Daedeok-gu | 대덕구 | 大德區 |
Dong-gu | 동구 | 東區 |
Jung-gu | 중구 | 中區 |
Seo-gu | 서구 | 西區 |
Yuseong-gu | 유성구 | 儒城區 |
This article uses material from the Wikipedia Basa Jawa article Daejeon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.