Commodore 64
Commodore 64 iku jeneng sawijining komputer omah 8-bit sing tau diprodhuksi ing dasawarsa 1980-an lan 1990-an awal.
Jeneng komputer iki uga kerep dicekak minangka C64, C-64, CBM 64 utawa VIC-64 ing Swédia. Komputer iki dilansir ing sasi Januari 1982 déning Commodore International lan nganti saiki kacathet minangka modèl komputer sing paling akèh payu. Prakiran kapayoné antara 10 nganti 17 yuta unit. Produksi volume diwiwiti ing awaling taun 1982, kanthi ngrilis komputer ing pasar nalika sasi Agustus mawa rega AS$ 595 (kurang luwih AS$ 1.481,25 ing taun 2016). Komputer iki didisiki déning Commodore VIC-20 lan Commodore PET, sarta jenengé dijupuk saka kapasitas mémoriné sing gedhéné 64 kilobyte (65.536 byte) RAM. C64 ndarbèni spésifikasi swara lan gambar sing unggul yèn dipadhakaké karo komputer awal liyané kaya ta Apple II lan Atari 800, déné sprites sing manékawarna lan prosèsor swara sing luwih mutakir.
 | |
| Type | Komputer omah |
|---|---|
| Release date | Agutus 1982 |
| Introductory price | US$595 ($1.481,25 ing taun 2016) |
| Discontinued | April 1994 |
| Units sold | 12,5 – 17 yuta |
| Operating system | Commodore KERNAL/ Commodore BASIC 2.0 GEOS (optionally) |
| CPU | MOS Technology 6510/8500 @ 1.023 MHz (NTSC version) @ 0.985 MHz (PAL version) |
| Memory | 64 kB RAM + 20 kB ROM |
| Graphics | VIC-II (320 × 200, 16 warna, sprite, raster interrupt) |
| Sound | SID 6581 (3× osc, 4× wave, filter, ADSR, ring) |
| Connectivity | 2× CIA 6526 joystick, Power, ROM cartridge, RF, A/V, CBM-488 floppy-printer, digital tape, GPIO/RS-232 |
| Predecessor | Commodore VIC-20 Commodore MAX Machine |
| Successor | Commodore 128 Commodore 16 |
C64 ndominasi pasaran ngisor komputer ing saakèhé dasawarsa 1980-an. Kanggo sawatara wektu sing suwé (1983-1986), C64 nduwé pérangan 30% nganti 40% saka pasaran komputer Amérikah Sarékat lan satauné punjul rong yuta unit komputer payu didol. Dadi olèhé payu luwih akèh tinimbang komputer IBM PC kompatibel, Apple lan 8-bit Atari.
Salah sijiné alesan Commodore 64 bisa suksès iku amarga komputer iki uga didol ing toko-toko biyasa lan ora namung ing toko-toko èlèktronika utawa toko mligi komputer waé. Komputer iki kerep dipadhaké karo mobil Ford Model T sing nepungaké tèknologi anyar marang gegriya kelas manengah déné produksi massa sing kréatif lan regané ora larang.
Réferènsi
Pranala njaba
This article uses material from the Wikipedia Basa Jawa article Commodore 64, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.