Candra Malik (lair ing Surakarta, Jawa Tengah, 25 Maret 1978; umur 46 taun) ya iku pamong Pondok Pesantren Asy-Syahadah ing Kabupatèn Karanganyar, Jawa Tengah.
Asmane uga kawentar minangka sufi, sastrawan, wartawan, penyanyi lagu-lagu reliji, paraga filem, penulis kolom kang saperang médhia massa, lan pangripta lagu reliji utawa kidung sufi. Pakaryané Candra Malik diemot ing sapérang médhia massa, antarané Kompas, Majalah Sastra Horison, Koran Tempo Minggu, Suara Merdeka, Suara Karya, lan Kalawarta Femina. Laguneé, Syahadat Cinta dadi original sound track (OST) filem Cinta Nanging Béda, filem iki diarahké déning Hanung Bramantyo (2013). Wiwit taun 2015, Candra Malik ngayahi jejibahan minangka Wakil Ketua Pengurus Pusat Lembaga Kagunan Budaya Muslim Indonesia (PP Lesbumi) PBNU 2015-2020.
Awit esih enom, Candra Malik wis cedhak karo donyané spiritual mligi ritual-ritual tasawuf. Dhèwèké sinau agama saka Abdullah Ali. Dhèwèké uga ngaji karo Habib Ja'far bin Badar bin Thalib bin Umar bin Ja'far, guru saka éyang kakungé ing Surakarta, Jawa Tengah. Taun 1993, Candra Malik luwih nyinaoni ngèlmu tasawuf karo Kiai Muhammad Muna'am Jember, Jawa Wétan. Sinambi makarya minangka wartawan ing koran Jawa Pos pungkasané taun 1999 ing Ngayogyakarta, Candra Malik ngangsu kawruh kearifan sufisme kanti sinau karo Syekh Ahmad Sirullah Zainuddin, wakil talqin saka Tarekat Qadiriyyah Naqsabandiyah, lan ing taun 2001 sinau langsung karo K.H. Ahmad Shohibulwafa Tajul Arifin, pengasuh Pondok Pesantren Suryalaya, ing Jawa Kulon.
Wiwit mandheg dadi wartawan ing Jawa Pos minangka Kepala Liputan Indo Pos, Jawa Pos ing Jakarta, Candra Malik makarya minangka kontributor seratan ing saperang ariwarta, antarané Tabloid Nyata, Majalah ART Indonesia, Majalah Travel Lounge, The Jakarta Globe, lan nlaténi sawijining kolom babagan sufisme ing Sala Pos, sawijiné koran ing Sala, Jawa Tengah, sesirah Matahati, ing rubrik Khazanah. Sinambi terus nuli, Candra Malik uga ngayahi minangka pamong Pondok Pesantren Asy-Syahadah, ing Désa Segoro Gunung, éréng-éréngé Gunung Lawu, Kabupatèn Karanganyar, Jawa Tengah. Amarga cedhak karo kalangan agamawan-budayawan agawé gampang lampahé Candra Malik kanggo nyuwun kawigatèné Wakil Rais Syuriah PBNU K.H. Ahmad Mustofa Bisri (Gus Mus) lan Emha Ainun Nadjib (Cak Nun) mbiyantu album religi, pakaryane. Cak Nun nulis mligi sajak Mukaddimah Cinta ana ing albumé kuwi lan macaké ana ing pambuka, ewadéné Gus Mus maca sajak Pesona ing pungkasan. Ana ing album iki, Candra Malik uga nglebokaké suarané K.H. Abdurrahman Wahid (Gus Dur) ing lagu Syahadat Cinta. Candra Malik, yèn wanci wulan Ramelan, asring diulemi minangka narasumber ing adicara Pelita Hati Metro TV kang pambiwarane Prie GS.
This article uses material from the Wikipedia Basa Jawa article Candra Malik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.