Bengkuang utawa bengkoang (Pachyrhizus erosus) ya iku tuwuhan kang ngasilaké dhangkèl (cormus) kang énak dipangan.
Bengkowang | |
---|---|
Ilustrasi botani bengkuang, menurut Blanco | |
Klasifikasi ngèlmiah | |
Karajan: | Plantae |
Dhivisi: | Magnoliophyta |
Klas: | Magnoliopsida |
Ordho: | Fabales |
Famili: | Fabaceae |
Subfamili: | Faboideae |
Génus: | Pachyrhizus |
Spésies: | P. erosus |
Jeneng binomial | |
Pachyrhizus erosus (L.) Urb. |
Woh-wohan saka Amérika tropis iki klebu golongan suku polong-polongan atau Fabaceae. Ing panggonan asalé, woh-wohan iki dikenal minangka xicama utawa jícama. Wong Jawa ngarani tuwuhan lan woh saka tuwuhan iki bengkowang, déné dhangkèle diarani besusu (/bəsusu/).
Bengkuang minangka liana taunan kang dhuwuré bisa ngancik 4-5m, déné oyote dhawané ngancik 2m.Wité mrambat lan ngubet, kanthi rambut-rambut alus kang anuju mengisor. Godhongé nyirip; pangé dhawané kira-kira 8,5-16 cm; anak godhongé bunder kaya endhog, kanthi pucuke lancip, lan ana rambute ing pinggir-pinggire; anak godhong pérangan pucuk ukurane gedhé dhéwé, wujud belah ketupat, 7-21 × 6–20 cm.
Kembangé nglumpuk ing tandan ing pucuking godhong, kang ijen utawa nggrombol 2-4 tandan, dhawané ngancik 60 cm, kanthi warna rambut soklat. Tabung kelopak wujudé lonceng, kecoklatan, dhawané kira-kira 0,5 cm. Makutha putih ungu kebiru-biruan, gundul, dhawané kira-kira 2 cm. Tangkai sarine pipih, pucuké rada nggulung; kepala putik dhapuré bunder, ing ngisor pucuking tangkai putik, tangkai putik ing ngisor kepala putik. Woh polong dhapuré garis, pipih, dhawané 8–13 cm, berambut, wohé 4-9.
This article uses material from the Wikipedia Basa Jawa article Bengkowang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.