Santo Andreas (Saint Andrew) punika salah satunggil rasul Yesus ingkang sepisanan.
Naminipun dipunsebutaken kaping 13 ing salebetipun pérangan Prajanjian Énggal ing Alkitab Kristen. Salebetipun agami Katulik, namanipun mlebet dhumateng para suci lan pèngetan kanggé piyambakipun dipunriyayakaken saben tanggal 30 November. Variasi nama baptis sanèsipun ingkang asalipun saking namanipun ing antawisipun Andre, Andrea, Andrew. Simbol karasulanipun inggih punika salib ingkang mèmper huruf X.
Santo Andreas | |
---|---|
Icon Rasul Andreas | |
Rasul, ingkang sepisanan dipuntimbali | |
Miyos | Abad sepindhah SM utawi M, Betsaida |
Tilar donya | Abad sepindhah M, Patras, ing sainggiling kayu salib awangun silang (X) |
Dipun urmati ing | Sedaya dhénominasi |
Papan ziarah utama | Gréja Santo Andreas ing Patras, kaliyan rélik-rélikipun |
Dinten pèngetan | 30 November |
Pangreksa | Sekotlan, Ruslan, Sisilia, Yunani, Romania, lan Prussia; Serdhadhu, angkatan laut, warigaluh, pandamel tali. |
Portal Santo |
Santo Andreas lan sedhèrèkipun, Petrus, dipunwiyosaken ing Betsaida caket tasik Genesaret (tlaga Galilea), tlatah Israèl. Kekalihipun rèncang sakitha kalairan kaliyan Filipus. Andreas lan Petrus gesang kanthi nyambut damel minangka warigaluh panjala ulam ing tlaga Galilea. Kekalihipun manggèn tunggal griya, sesarengan kaliyan ibu marasepuhipun Petrus, ing kitha Kapernaum.
Andreas dipuncathet salebetipun Injil Yohanes minangka murid Yohanes Pembaptis ingkang ngajak masarakat kiwa-tengenipun kanggé martobat lan dipunbaptis ing lèpen Yordan.
Ing papan pungkasan karasulanipun, Patras, panjenenganipun tilar donya dipunkisas ing sainggiling salib ingkang awangun X, ingkang pungkasanipun dados simbol piyambakipun.
Naminipun dipunabadhikaken salebetipun manéka wangun. Ingkang paling misuwur inggih punika Santo Andreas dados santo pangreksa nagari Sekotlan nalika abad ka-8 dumugi sapunika. Salib X kagunganipun dados salib ingkang wonten ing gendéra nasional Sekotlan.
Sasanèsipun punika Santo Andreas ugi dados santo pangreksa kanggé:
Rasul Yesus Kristus | |
---|---|
Panginjil: Yohanes | Matius | Markus | Lukas Sanèsipun: Petrus | Andreas | Yakobus | Filipus | Bartolomeus | Tomas/Didimus Yakobus anak Alfeus | Simon tiyang Zelot | Yudas Tadeus | Yudas Iskariot ingkang dipungantos déning Matias |
This article uses material from the Wikipedia Basa Jawa article Andreas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.