ꦏꦸꦮꦺ ꦠꦭꦩ꧀ ꦩꦶꦤꦁꦏ ꦏꦸꦮꦺ ꦆꦤ꧀ꦝꦺꦴꦤꦺꦱꦶꦪ ꦲꦸꦠꦮ ꦕꦼꦩꦶꦭ꧀ꦭꦤ꧀ ꦏꦸꦏꦸꦱ꧀ ꦠꦿꦣꦶꦱꦶꦪꦺꦴꦤꦭ꧀ ꦱꦶꦁ ꦢꦶꦒꦮꦺ ꦱꦏ ꦒ꧀ꦭꦼꦥꦸꦁ ꦧꦼꦫꦱ꧀, ꦱꦤ꧀ꦠꦼꦤ꧀ ꦭꦤ꧀ ꦧꦲꦤ꧀ ꦭꦪꦤꦺ ꦲꦶꦁ ꦮꦗꦤ꧀ ꦱꦶꦁ ꦢꦶꦲꦫꦤ꧀ꦤꦶ ꦠꦭꦩ꧀ ꦱꦶꦁ ꦲꦂꦠꦶꦤꦺ ꦤꦩ꧀ꦥꦤ꧀ ꦲꦶꦁ ꦧꦱ ꦆꦤ꧀ꦝꦺꦴꦤꦺꦱꦶꦪ .
ꦗꦮ |
ꦕꦶꦛꦏ꧀ꦏꦤ꧀ ꦏꦸꦮꦺ ꦏꦁ ꦢꦶꦒꦸꦤꦏꦏꦺ ꦏꦁꦒꦺꦴ ꦔ꧀ꦒꦮꦺ ꦏꦸꦮꦺ ꦠꦭꦩ꧀ ꦪꦲꦶꦏꦸ tray aluminium ꦥꦼꦂꦱꦼꦒꦶ ꦢꦮ ꦱꦶꦁ ꦭꦸꦮꦶꦃ ꦒꦼꦣꦺ ꦲꦸꦠꦮ ꦕꦁꦏꦶꦂ ꦠꦸꦁꦒꦭ꧀ ꦱꦶꦁ ꦭꦸꦮꦶꦃ ꦕꦶꦭꦶꦏ꧀ ꦢꦶꦒꦮꦺ ꦱꦏ ꦏꦿꦩꦶꦏ꧀, ꦄꦭꦸꦩꦶꦤꦶꦪꦸꦩ꧀, ꦩꦺꦭꦩꦶꦤ꧀, ꦲꦸꦠꦮ ꦥ꧀ꦭꦱ꧀ꦠꦶꦏ꧀. ꦏꦸꦮꦺ ꦠꦭꦩ꧀ ꦭꦤ꧀ ꦥ꦳ꦫꦶꦪꦱꦶ-ꦥ꦳ꦫꦶꦪꦱꦶ ꦲꦸꦩꦸꦩ꧀ꦩꦺ ꦢꦶꦠꦼꦩꦺꦴꦏ꧀ꦏꦏꦺ ꦲꦶꦁ ꦩꦕꦼꦩ꧀-ꦩꦕꦼꦩ꧀ ꦠꦿꦣꦶꦱꦶ ꦩꦱꦏ꧀ꦏꦤ꧀ ꦣꦲꦺꦫꦃ ꦆꦤ꧀ꦝꦺꦴꦤꦺꦱꦶꦪ; ꦮꦮꦶꦠ꧀ ꦧꦼꦠꦮꦶ, ꦩꦶꦤꦁ, ꦩꦼꦭꦪꦸ, ꦧꦠꦏ꧀, ꦔꦤ꧀ꦠꦶ ꦱꦸꦤ꧀ꦝ ꦭꦤ꧀ ꦗꦮ.
Jeneng liyané | ꦠꦭꦩ꧀, ꦏꦸꦮꦶꦃ ꦠꦭꦩ꧀ |
---|---|
Jinis | ꦏꦸꦮꦺ ꦭꦥꦶꦱ꧀ ꦏ꧀ꦭꦥ ꦩꦤꦶꦱ꧀ ꦏꦸꦏꦸꦱ꧀ |
Ajangan | ꦗꦗꦤ꧀ꦤꦤ꧀ |
Panggonan asal | ꦆꦤ꧀ꦝꦺꦴꦤꦺꦱꦶꦪ |
Tlatah utawa praja | ꦤꦼꦒꦫ-ꦤꦼꦒꦫ |
Hawa ajangan | ꦱꦸꦲꦸ ꦏꦩꦂ |
Woworan pokok | ꦒ꧀ꦭꦼꦥꦸꦁ ꦧꦼꦫꦱ꧀, ꦱꦤ꧀ꦠꦼꦤ꧀, ꦒꦸꦭ |
Buku masakan: Kue talam Médhia: Kue talam |
ꦏꦸꦮꦺ ꦠꦭꦩ꧀ ꦧꦶꦪꦱꦤꦺ ꦢꦸꦮꦺ ꦫꦺꦴꦁ ꦭꦥꦶꦱ꧀ꦱꦤ꧀; ꦱꦶꦁ ꦥꦭꦶꦁ ꦣꦸꦮꦸꦂ ꦥꦸꦠꦶꦃ ꦢꦶꦒꦮꦺ ꦱꦏ ꦱꦤ꧀ꦠꦼꦤ꧀ ꦏꦿꦶꦩ꧀ ꦏꦿꦱ ꦒꦸꦫꦶꦃ, ꦢꦺꦤꦺ ꦱꦶꦱꦶꦃ ꦔꦶꦱꦺꦴꦂ ꦢꦶꦮꦂꦤꦲꦶ ꦩꦶꦠꦸꦫꦸꦠ꧀ ꦉꦱꦺꦥ꧀ ꦱꦧꦼꦤ꧀ ꦥ꦳ꦫꦶꦪꦤ꧀. ꦫꦱ ꦥꦤ꧀ꦝꦤ꧀ ꦲꦶꦗꦺꦴ, ꦲꦸꦧꦶ ꦏꦸꦤꦶꦁ, ꦭꦤ꧀ ꦫꦱ ꦒꦸꦭ ꦏ꧀ꦭꦥ ꦱꦺꦴꦏ꧀ꦭꦠ꧀ ꦲꦶꦏꦸ ꦱꦶꦁ ꦥꦭꦶꦁ ꦲꦸꦩꦸꦩ꧀.
ꦧꦲꦤ꧀ ꦧꦏꦸ ꦏꦸꦮꦺ ꦠꦭꦩ꧀ ꦪꦲꦶꦏꦸ ꦒ꧀ꦭꦼꦥꦸꦁ ꦧꦼꦫꦱ꧀, ꦱꦤ꧀ꦠꦼꦤ꧀, ꦒꦸꦭ, ꦲꦸꦪꦃ, ꦭꦤ꧀ ꦒꦺꦴꦣꦺꦴꦁ ꦥꦤ꧀ꦝꦤ꧀. ꦧꦲꦤ꧀-ꦧꦲꦤ꧀ ꦭꦶꦪꦤꦺ ꦧꦶꦱ ꦲꦸꦒ ꦏꦊꦧꦸ ꦏꦁꦒꦺꦴ ꦔ꧀ꦒꦮꦺ ꦧꦒꦺꦪꦤ꧀ ꦮꦂꦤ ꦔꦶꦱꦺꦴꦂ.
ꦏꦁ ꦥꦭꦶꦁ ꦣꦸꦮꦸꦂ ꦥꦸꦠꦶꦃ ꦭꦤ꧀ ꦢꦶꦒꦮꦺ ꦩꦸꦁ ꦔ꧀ꦒꦸꦤꦏꦏꦺ ꦱꦤ꧀ꦠꦼꦤ꧀, ꦒ꧀ꦭꦼꦥꦸꦁ ꦧꦼꦫꦱ꧀, ꦒꦸꦭ ꦭꦤ꧀ ꦲꦸꦪꦃ, ꦭꦤ꧀ ꦧꦶꦪꦱꦤꦺ ꦫꦱꦤꦺ ꦊꦒꦶ, ꦊꦒꦶ ꦏꦤ꧀ꦛꦶ ꦏꦺꦴꦤ꧀ꦱꦶꦱ꧀ꦠꦺꦤ꧀ꦱꦶ ꦏꦿꦶꦩ꧀ ꦱꦶꦁ ꦊꦩ꧀ꦧꦸꦠ꧀. ꦲꦶꦁ ꦱꦶꦱꦶꦃ ꦔꦶꦱꦺꦴꦂ ꦪꦲꦶꦏꦸ ꦧꦶꦠ꧀ ꦏꦁ ꦭꦸꦮꦶꦃ ꦏꦼꦚ꧀ꦕꦼꦁ ꦭꦤ꧀ ꦢꦸꦮꦺ ꦮꦂꦤ ꦩꦶꦠꦸꦫꦸꦠ꧀ ꦧꦲꦤ꧀ ꦱꦶꦁ ꦢꦶꦠꦩ꧀ꦧꦃꦲꦏꦺ. ꦭꦥꦶꦱ꧀ꦱꦤ꧀ ꦮꦂꦤ ꦔꦶꦱꦺꦴꦂ ꦢꦶꦮꦸꦠꦃꦲꦏꦺ ꦣꦶꦱꦶꦏ꧀ ꦩꦼꦚꦁ ꦕꦶꦛꦏ꧀ꦏꦤ꧀. ꦱꦮꦶꦱ꧀ꦱꦺ ꦱꦼꦠꦼꦔꦃ ꦩꦠꦼꦁ ꦢꦶꦏꦸꦏꦸꦱ꧀ ꦱꦮꦼꦠꦫ ꦏꦭꦶ, ꦭꦥꦶꦱ꧀ꦱꦤ꧀ ꦥꦸꦠꦶꦃ ꦢꦶꦠꦩ꧀ꦧꦃꦲꦏꦺ ꦲꦶꦁ ꦣꦸꦮꦸꦂ ꦭꦤ꧀ ꦢꦶꦏꦸꦏꦸꦱ꧀ ꦩꦤꦺꦃ.
ꦕꦶꦛꦏ꧀ꦏꦤ꧀ ꦏꦁ ꦢꦶꦒꦸꦤꦏ꧀ꦏꦏꦺ ꦏꦤ꧀ꦛꦶ ꦠꦿꦣꦶꦱꦶꦪꦺꦴꦤꦭ꧀ ꦪꦲꦶꦏꦸ ꦕꦶꦛꦏ꧀ꦏꦤ꧀ tray aluminium ꦥꦼꦂꦱꦼꦒꦶ ꦢꦮ, ꦩꦸꦭ ꦗꦼꦤꦼꦁꦔꦺ ꦠꦭꦩ꧀ (tray), ꦩꦸꦭ ꦏꦸꦮꦺ ꦢꦶꦮꦗꦶꦧ꧀ꦧꦏꦺ ꦢꦶꦥꦺꦴꦠꦺꦴꦁ ꦢꦢꦶ ꦧꦼꦤ꧀ꦠꦸꦏ꧀ ꦥꦼꦂꦱꦼꦒꦶ ꦢꦮ ꦲꦸꦠꦮ ꦥꦼꦂꦱꦼꦒꦶ ꦱꦢꦸꦫꦸꦁꦔꦺ ꦢꦶꦱꦼꦣꦶꦪꦏ꧀ꦏꦏꦺ. ꦤꦔꦶꦁ ꦱꦲꦶꦏꦶ, ꦕꦁꦏꦶꦂ ꦕꦶꦭꦶꦏ꧀ ꦠꦸꦁꦒꦭ꧀ ꦏꦁꦒꦺꦴ ꦕꦮꦤ꧀ ( ꦠꦺꦃ ꦕꦶꦤ) ꦲꦱꦿꦶꦁ ꦢꦶꦒꦸꦤꦏꦏꦺ ꦩꦶꦤꦁꦏ ꦗꦩꦸꦂ; ꦱꦭꦃ ꦱꦶꦗꦶ ꦢꦶꦒꦮꦺ ꦱꦏ ꦏꦿꦩꦶꦏ꧀, ꦄꦭꦸꦩꦶꦤꦶꦪꦸꦩ꧀, ꦥ꧀ꦭꦱ꧀ꦠꦶꦏ꧀ ꦲꦸꦠꦮ ꦩꦺꦭꦩꦶꦤ꧀.
This article uses material from the Wikipedia Basa Jawa article ꦏꦸꦮꦺꦠꦭꦩ꧀, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.