Rijno

47 jinmrpaladi ← rijno → jinmrkadmu Cu ↑ Ag ↓ Au dikni selratni cartu
tolsteci
cmene, sinxa, namcu	rijno, Ag, 47
selratni porsi	ckaji cripu jinme
girzu, dikni, dikni girzu	11, 5, d
viska selsimlu	minra blabi jinme
teryratni	107.8682(2) g/mol
dutydikca kantu	[Kr] 4d10 5s1
dutydikca spisa terfendi nejni bo senta	2, 8, 18, 18, 1
rarna ckaji
ganzu tcini	sligo
denmi to jibni kumke'o toi	10.49 g/cm³
litki denmi fi lo selrunme	9.320 g/cm³
selrunme	1234.93 K to 961.78 °C toi
selfebvi	2435 K to 2162 °C toi
djuno

ni'o lo rijno goi ko'a cu girzu ratni li voze fi'o sinxa la'o xy. Ag xy. noi tordu cmene lo latmo cmene no'u la'o ly. argentum ly. .i ko'a cu ranti je blabi je minra ke ckaji cripu jinme gi'e traji lo dikca je kelvo ke pagre kakne ckaji fo ro lo jinme gi'e terfacki fi'o stuzi lo nenri rokci .e lo sampu morna .i ko'a selpilno fi lo nu zbasu le sicni .e le xadni jadni .e lo citka tutci e .lo kacma finti .e lo minra

ni'o ko'a noi mutce frili ke me lo ka lacpu cilta ke'e je kampolje to ko'a zmadu lo solji lo kamjdari lo milxe toi cu pavmei frati stuzi sicni jinme fi'o kansa lo carmi be lo ka blabi jinme skari be'o fi'o kakne lo mutce selspali .i ko'a traji lo dikca xelbenji kakne fo lo'i jinme ra'u lo tunka ku'i le du'u lo ka ko'a zmadu lo tunka lo kamkargu .e lo ka sefta sevzi bo daspo kakne cu fanta lo nu lo nu ko'a kampu pilno lo dikca xelbenji cu basti lo tunka

ni'o lo curve rijno cu traji lo kelvo xelbenji kakne .e lo blabi .e lo viska xelboxna gusni minra lo zmadu lo'i jinme to ku'i ry. xlali fi lo ka bancu viska xelboxna gusni minra toi gi'e traji lo ka lamji dikca tinsa kei lo mleca lo'i jinme .i lo parbi xeljmina be lo rijno bei lo mutce frati gapci cu gusni ganse .i ko'a cu stodi fi lo nenri be lo curve vacri ja djacu ku'i le du'u ko'a sefta sevzi bo daspo ne'i lei cibmeikijno .a lo cidro sliri .a le du'u lo vacri cu kansa lo sliri .i ko'a cu kijno veljmina tcini klani li ma'upa to mu'a rijno trano cibmeikijno toi .e li ma'ure veljmina to mu'a zoi xy. AgF₂ xy. toi .e li ma'uci veljmina to mu'a zoi xy. Ag₂(SO₅)₃ xy. toi

ni'o lo ralju pilno be fe lo rijno lo kargu jinme .i lo rijno silna ra'u lo rijno truno cibmeikijno .e lo veljmina fe lo rijno lo frati gapci cu ganra pilno lo terkacma noi ke'a cu traji lo ka pamei fanmo pilno ku'o .i di'e cu drata pilno liste .i

• dikca minji .i
• minra .i
• sicni .i
• xadni jadni .i
• denci kevna ckire .i
• frati ckiku .i
• dikca jinme bo cripu .i
• dikca nejni sorcu .i
• seljbama .i
• klina blaci snipa .i
• slami cipra .i
• dilnu carvi bo tsiju .i
• jurme fapro velmikce .i
• skapi jelca velmikce .i