la pyrfekt.streindjyrz.
ABC television network gy. ba li 25 pi'e 3 pi'e 1986 ku pu li 6 pi'e 8 pi'e 1993 .i la'o gy. Dale McRaven gy. finti ko'a .i ko'a lisri lo terki'i poi jbini la leiris.apyltyn. joi la balkis.bartakymes. poi ge darno tamne la leiris. gi krasi fa lo cfika daplu poi cmene la'o my. Mypos my. ku'o la'o gy. Mediterranean Sea gy.
ni'o tivni ko'a ca xa lo reldei .i ba go'i tivni ko'a ca lo cibdei poi jbini lo critu be li 1986 be'o bi'i lo vensa be li 1988 .i ba go'i tivni ko'a caze'u lo mumdei .i ku'i tivni ko'a ca lo xavdei pe li 1992
ni'o ko'a lisri lo te ckini be la leiris. bei la balkis. .i la balkis. djuno so'u lo merko kulnu .i go'i krinu lonu la leiris. ctuca la balkis. fo lo merko kulnu .i ji'a la balkis. ctuca la leiris. fo lo kulnu pe la mipos. .i cafne fa lonu raktu la balkis. fa lonu na djuno fi lo merko kulnu .ije la balkis. nitcu la leiris. lonu la leiris. sidju la balkis. lonu vimcu lo te raktu .i ji'a cafne fa lonu la leiris. finti lo platu noi fliba .ije la leiris. nitcu lo te sidju be fi la balkis.
ni'o ca so'o kinpau la leiris. joi la balkis. gasnu lo dansu be lo nungei be'o poi mixre la'o gy. dosado gy. joi la'o gy. hokey pokey gy. .i ji'a ca so'o kinpau la leiris. joi la balkis. zdizu'e la butcitag. poi ge klesi la tag. gi pilno lo bukpu lanme pe la balkis. ge'u poi cmene la dimitris.
ni'o ca lo pamoi kinpau la balkis. tolcliva lo kumyzda pe la leiris. .ije la balkis. platu lonu xabju lo kumyzda pe la leiris. .i ku'i puziku la leiris. cliva lo zdani pe lo laznu pe la leiris. .ije la leiris. djica lo nu nonkansa .i lonu la balkis. na ponse lo zdani kei krinu lonu la leiris. curmi lonu la balkis. kansa la leiris. lonu xabju .i la leiris. bitygau lo selplijibri be la leiris. be'o poi cmene tuinkysetis. ku'o lonu le'ipli la balkis. .i la tuinkysetis. toljaxpu'a la leiris. .e la balkis. .i la tuinkysetis. smugau la leiris. la'o gy. jerk gy. .ije la balkis. la guzmrkukurbita
ni'o ca lo remoi tivcitsi ku la leiris. binxo lo pampe'o be la jenefyr. .ije la balkis. binxo lo pampe'o be la meirian. .i ca lo cimoi tivcitsi ku la leiris. binxo lo djekarni ci'arfi'i vi la'o gy. Chicago Chronicle gy. .i bazi go'i la balkis. binxo lo mrilu vi la'o gy. Chicago Chronicle gy. .i la leiris. se le'ipli la .ueinrait. .i la balkis. se le'ipli la gorplis.
ni'o ca lo xamoi tivcitsi ku la leiris. bavyspe la jenefyr. .i la leiris. spebi'o la jenefyr. ca lo zemoi tivcitsi .i bazi go'i la leiris. joi la balkis. joi la jenefyr. joi la marian. zdani muvdu lo re'azda .i cazi lo fanmo be lo zemoi tivcitsi lonu la marian. zdani muvdu kei se mukti lonu la balkis. na nunspe stidi .i ku'i bazi go'i la balkis. cfasanji lodu'u djica spebi'o la marian. .i go'i mukti balkis. spebi'o la marian. .i ca lo romoi mentu pe lo zemoi tivcitsi la jenefyr. cusku la leiris. lodu'u tarbyvau
ni'o lo bimoi tivcitsi cu tolsitsi ba mu lo datru ba lo fanmo be lo zemoi tivcitsi .i la balkis. .e la marian. xrukla la cikagos. la mipos. .i la marian. tarbyvau .i la marian. se jbena la'o my. Robespierre Boinki Bartokomous my. lo romoi kinpau lo karce .i la jenefyr. se jbena la'o gy. Tucker Appleton gy. lo romoi kinpau lo glare vacri vasrlbaluni
This article uses material from the Wikipedia Lojban article pyrfekt.streindjyrz., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lojban (DUHOCTRUNGQUOC.VN) is an independent company and has no affiliation with Wiki Foundation.