Mieri Siikuol, (Mary Seacole, baan Mary Jane Grant) 1805 – 14 May 1881) wena Jumiekan uman a Skatish ah Afrikan disent uu eh-setop wah British Otel biyain di lain juurin di Kraimian Waar, we shi eh-diskraib az a mes-tiebl ah komfatebl kwaataz fi sik ah kanvalesent afisa, ah shi eh-provaid soko fi wuundid saabisman pah di baklfiil.
Shi eh-awaad postyuumos di Jumiekan Aada a Merit ina 1991. Ina 2004 shi eh-vuot di grietis blak Britn.
Posnal infamieshan
Profeshnal infamieshan
Shi eh-akwaya nalij a oerbal medisn ina di Kiaribiyan. Wen di Kraimian Waar brokout, shi aplai tu di Waar Afis fi asis bot deh rifyuuz ar. Shi chrabl indipendantli ah setop ar otel ah asis baklfiil wuundid. Shi weh extriimli papiula mongx saabis poersonel uu riez moni fi ar wen shi fies destityuushan afta di waar.
Afta ar det, deh figat bout ar fi liklmuos a senchri, bot tide shi selibriet az wah uman uu soksesfuli kombat rieshal prejiudis. Ar bayagrafi, Wandaful Advencha a Mischris Siikuol ina Nof Lan (Wonderful Adventures of Mrs. Seacole in Many Lands, 1857), a wan a di hoerlies aatobayagrafi a wah mix-ries uman, alduo kuestian riez bout soh aspek a iakiuresi. Soh kritik kliem se dat fi Siikuol achiivmentdem eh-egzajariet fi palitikal riizn ah plan fi irek wah statiu a ar a Sin Tamas Aspital, Landan, we diskraib ar az a "payanier noers", jinariet nof kas-kas. Foerda kanchrovoersi brokout ina di Yunaitid Kindom liet ina 2012 uoba ripuot a propuozal fi rimuuv ar frah di konchri Nashinal Korikiulom.
This article uses material from the Wikipedia Jumiekan Kryuol article Mieri Siikuol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kantent avielobl fi anda CC BY-SA 4.0 anles nuot adawaiz. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Jumiekan Kryuol (DUHOCTRUNGQUOC.VN) is an independent company and has no affiliation with Wiki Foundation.