Indoschrial Revaluushan

Di Indoschrial Revaluushan wehna piriad frahn di 18t tu di 19t senchri wen mieja chenj ina agrikolcha, maniufakcharin, mainin, chranspotieshan, ahn teknalaji av a profoun ifek pahn di suosyoikanamik ahn kolcharal kandishan a di taim.

Ibigin ina di Yunaitid Kingdam, den sobsikwent pred chuuhout Yuurop, Naat Amoerka, ahn ivenchual di wol.

Di Indoschrial Revaluushan maak a mieja toernin paint ina yuuman ischri; liklmuos ebri aspek a dieli laif wehn influens ina som wie. Muos nuotobl, abrij inkom ahn papiulieshan bigin fi egzibit anpresidentid sostien gruot. Ina di tuu senchri falarin 1800, di wol abrij poer kiapita inkom inkriis uoba 10-fuol, wails di wol papiulieshan inkriis uoba 6-fuol. Askaadn tu Nobel Praiz wina Robert E. Lucas, Jr., "Fi di fos taim ina ischri, di livin tandad a di masiv a aadneri piipl bigin fi andago sostien gruot. ... Notn rimuotli laik dis ikanamik biyevia eba apn bifuo."

Taat frahn di lieta paat a di 18t senchri, chranzishan tek plies ina paat a Griet Britn priivos manyual lieba ahn jraaf-animal–bies ikanami tuwad mashiin-bies maniufakcharin. Itaat wid di mekanaizieshan a di textail indoschri, di divelopment a hayan-mekin tekniik ahn di inkriis yuus a rifain kuol. Chried expanshan ehn eniebl bai di inchradokshan a kianal, impruuv ruod ahn rielwie.

Di inchradokshan a stiim powa fyuil praimeri bai kuol, waid yuutilizieshan a waata wiil ahn powa mashiinri (muosli ina textail maniufakcharin) andapin di jramatik inkriis ina prodokshan kiapasiti. Di divelopment a aal-metal mashiin tuul ina di fos tuu dekied a di 19t senchri fasilitiet di maniufakcha a muo prodokshan mashiin fi maniufakcharin ina ada indoschri. Di ifek pred chuuhout Westan Yuurop ahn Naat Amoerka juurin di 19t senchri, ivenchual iafek muos a di wol, a pruoses dat kantiniu az indoschrializieshan. Di impak a dis chienj pahn sasayati ehn inaamos.

Di fos Indoschrial Revaluushan, wa bigin ina di 18t senchri, moerj ina di Sekan Indoschrial Revaluushan roun 1850, wen teknalajikal ahn ikanamik pruogres gien momentom wid di divelopment a stiim-powa ship, rielwie, ahn lieta ina di 19t senchri wid di intoernal komboshan injin ahn ilektrikal powa jinarieshan. Di piriad a taim kova by di Indoschrial Revaluushan vieri wid difrahn istuorian. Eric Hobsbawm se ibrok out ina Britn frahn di 1780s bot di ful fuos no wehn fiil tel di 1830s ar 1840s, wails T. S. Ashton kliem se iokor rofli bitwiin 1760 ahn 1830.

Som 20t senchri istuorian laka John Clapham ahn Nicholas Crafts dem agiu se di pruoses a ikanamik ahn suoshal chienj tek plies grajuali ahn di toerm revaluushan a misnuoma. Dis a stil sobjek a dibiet mongx istuorian. GDP poer kiapita ehn braadli stiebl bifuo di Indoschrial Revaluushan ahn di imoerjens a di madan kiapitalis ikanami. Di Indoschrial Revaluushan bigin a hera a poer-kiapita ikanamik gruot ina di kiapitalis ikanamiden. Ikanamik istuoriandem grii se di anset a di Indoschrial Revaluushan a di muos impuotant ivent ina di ischri a yumaniti sens di domestikieshan a hanimal ahn plaant.

Tags:

AgrikolchaMaininNaat AmoerkaTeknalajiYunaitid KingdamYuurop

🔥 Trending searches on Wiki Jumiekan Kryuol:

Vatikan SitiMikelanjeloSuisaidFuudRonawe Bie, JumiekaFashizimBukJudisheri a JumiekaSitiDimokratik Ripoblik a di KanggoAschrieliaMatheus RochaSuosialajiGuadiluupElichaptaLajikAatifishal intelijensJumieka Difens FuosAntaatikaWolfgang Amadeus MozartNamibiaBerlanga de DueroSomaaliaFedarietid Stiet a MaikroniijaMechrik SistimSpuots ina JumiekaStatiuJiinGanjaIerIschri a di WorlIschri a Juudizam ina JumiekaFrench2010 Kinston anresKompasGriik languijAvisenaMaarzBuberosAasJumiekan palitikal kanflikKimischriNyuu ZiilantSuitsalanYuumanMantigo BieJumiekan MaruunBaleManakoSah BaatelmiPalitixSout AfrikaSeishelzAthensWiitJacques CartierSout SudanIis-Wes SkizimTajikistanAlmaluezPunjabi languijMistisizimArévalo de la SierraBaktiiriaKonshens🡆 More