Aristakl (Ἀριστοτέλης Aristotélēs; 384 BK - 322 BK) wena wah Griik filasafa, wan a Plieto schuudent ah di tiicha a Aligzanda di Griet. Ih rait pah nof sobjek, ingkluudn fizix, metafizix, puoychri, tieta, myuuzik, lajik, rechrik, palitix, gobament, etix, bailoji, ah zuulaji. Wid Plieto ah Sakratiiz, Aristakl a wan a di muos impuotant figa ina Westan filasafi. Im a di fos smadi we mek wah kompriensiv sistim a Westan filasafi we ingkluud moraliti ah estetix, lajik, ah sayans, palitix ah metafizix. Ih vyuu pah fizikal sayans shiep midiival tingkin, ah demde influens go aal tu di renesans, we deh get riplies wid Nyuutuonian Fizix. Ina bailajikal sayans, som a ih obzavieshan get kanfoerm az rait ina di 19t senchri. Ina metafizix, Aristakl ab nof influens pan filasafikal ah tiolajikal tingkin ina di Izlamik ah Juuwish chradishan ina di Migl Iej, ah ikantiniu fi influens Kristian tialaji, espeshali Iistan Aatadax tialaji, an di skalastik chradishan a di Ruoman Kiaklik Choch. Outa aal a di raitn we Aristakl du, skaladem biliib se muos a dem laas, ah onggl bout wan-tod a dem sovaiv.
This article uses material from the Wikipedia Jumiekan Kryuol article Aristakl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kantent avielobl fi anda CC BY-SA 4.0 anles nuot adawaiz. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Jumiekan Kryuol (DUHOCTRUNGQUOC.VN) is an independent company and has no affiliation with Wiki Foundation.