Aligzanda Bostamanti

Aligzanda Bostamanti

Posnal infamieshan

Baan: 24 Febiweri 1884
Ded: 6 Aagos 1977
Nashinaliti: Jumiekan

Profeshnal infamieshan

Profeshan: palitishan, lejislieta, chried yuunianis

Sar Wiliam Aligzanda Claak Bostamanti ar Sir William Alexander Clarke Bustamante, GBE (24 Febiweri 1884 – 6 Aagos 1977) wena Jumiekan palitishan ah lieba liida uu wena di fos praim minista a Jumieka. Bostamanti hana ina Jumieka wid di taikl Nashinal Iiro a Jumieka ina rekanishan a ih achiivment.

Hoerli laif ah edikieshan

Ih weh baan az William Alexander Clarke tu Mieri Wilsn (Mieri Wilson), a mix ries, ah ar ozban Kanstantain Claak (Constantine Clarke), wah Airish Ruoman Kiaklik planta, ina Anuova parish. Ih eh-se ih tek di soerniem Bostamanti fi hana wah Panish sii kiaptin uu eh-fren im wen im a yuut.

Afta ih don chrabl di wol, ingkluudn wok az poliisman ina Kyuuba ah az dayatishan ina wah Nyuu Yaak Siti aspital, Bostamanti ritoern baka Jumieka ina 1932.

Marid ah fambili

Bostamanti marid Gladis Langbrij (Gladys Longbridge), ih langtaim sekriteri, pah 7 Septemba 1962.

Enta ina palitix

Ih bikoms wah liida ina aktivizim gens koluonial ruul. Ih gien rekanishan chuu ih rait nof leta pah rapid bout di ishudem tu di Dieli Gliina (Daily Gleaner) nyuuzpiepa. Ina 1937 ih get ilek az chrejara a di Jumieka Woka Yuunian (Jamaica Workers' Union, JWU), we eh-foun bai lieba aktivis Alan G.S. Kuumz (Allan G.S. Coombs). Juurin di 1938 lieba ribelian, ih eh kuiktaim bikom aidentifai az di spuoxman fi straikin woka, uu weh muosli a Afrikan ah mix-ries disent. Kuumz JWU eh-bikom di Bostamanti Indoschrial Chried Yuunian (Bustamante Industrial Trade Union, BITU) afta di rivuolt, ah Bostamanti eh-bikom nuo az "Di Chiif".Template:Citation needed

Ina 1940, ihe weh imprizn pah chaaj a sobvoersiv aktiviti. Di waidpred anti-koluonial aktivizim gwaan tel ifainali rizolt ina Paaliment grant yunivoersal sofrij tu Jumieka ina 1944.

Afta ih riliis from prizn ina 1943, Bostamanti foun di Jumieka Lieba Paati di siem ier. Priviosli ih eh-bilang tu di Piipl Nashinal Paati (foun ina 1938 bai ihs kozn Naaman Manli (Norman Manley). Bostamanti paati win 22 outa 32 siit ina di fos Ous a Riprizentitiv ilek bai yunivoersal sofrij. Ih eh-bikom di anofishal gobament liida, a-riprizent ih paati az Minista fi Komiunikieshan, antel di pozishan a Chiif Minista weh-kriet ina 1953. Ih huol dis pozishan antel di JLP get difiit ina 1955. Ina 1947 ah 1948, ih weh-ilek az meya a Kinston.

Duo ih inishali supuot di Fedarieshan a di Wes Indiz, juurin di 1950z, Bostamanti grajuali opuoz di yuunian. Ih ajitiet fi Jumieka fi bikom indipendant frah Griet Britn. Ih eh-se dat di JLP udn kantes no bai-ilekshan tu di fedaral paaliment. Ih raival ah kozn, Primier Naaman Manli, kaal wah refarendom pah di ishu ina 1961; Jumiekandem vuot se di nieshan fi witjraa frah di Fedarieshan.

Afta Jumieka weh-grant indipendans ina 1962, Bostamanti saab az di fos Praim Minista antel 1967. Ina 1965, afta ih sofa wah schruok, ih witjraa frah aktiv patisipieshan ina poblik laif, ah di chuu powa weh-huol bai ih depiuti, Danal Sangsta (Donald Sangster).

Ina 1969, Bostamanti weh-prokliem "Nashinal Iiro a Jumieka", tugiada wid Naaman Manli, di blak libarishanis Maakos Gyaavi ah tuu liida a di 1865 Morant Bie Ribelian, Paal Buogl ah Jaaj Wiliam Gaadn. Ih puochret gries di $1 Jumiekan dala kain.

Bostamanti ded ina 1977 ah weh-beri ina di Nashinal Iiroz Paak ina Kinston.

Bostamanti bakbuon

Wah Jumiekan kiandi, Bostamanti bakbuon, niem aafa im. Ia wah aad, grieta kuoknat a shuga kanfekshan "we deh se riprizent di foermnis a ih kiarakta." Bostamanti weh-kansida a "bosta", "a champian a di kaman man ah tof aatikl.".

Refrans

Extoernal lingk

Tags:

Aligzanda Bostamanti Hoerli laif ah edikieshanAligzanda Bostamanti Marid ah fambiliAligzanda Bostamanti Enta ina palitixAligzanda Bostamanti Bostamanti bakbuonAligzanda Bostamanti RefransAligzanda Bostamanti Extoernal lingkAligzanda Bostamanti

🔥 Trending searches on Wiki Jumiekan Kryuol:

UoshanHuoldong Tekwe AfrikaMadagiaskaDochKuol WaarDainosaarAbraham LincolnAdvataizinGriisAschrieliaWestan Sa'aaraAnimalAlbert EinsteinProclamashan a di Joerman EmpayaPitniAvicennaAlmarzaNyuu Yaak SitiLatnKalani a SantyaagoGuolWol Waar IILobSobmariinPythagorasBulgieriaMigl IejizAldealpozoKimikal elimentJoan of ArcMechrik SistimLeonard CohenGlaasChrienLignom VaitiLichichaJudisheri a JumiekaLatn AmoerkaPlaant (Chrii)LDS ChochKurt GödelIejaMaarzMaakos GiaaviAtaman EmpayaRipoblik a ChainaMaamanizamNyuukasl apan TainBiejingOertkwiekYuukrienMangguoliaBaznia ah OerzigoviinaJiizas KraistRiedioIstanbulDuomMiitaralajiPoliisSout OsetiaIschri a sayansYuuroReunioh🡆 More