Digimon (デジモン, Dejimon?), abreviatura de Digital Monsters (デジタルモンスター, Dejitaru Monsutā?), é unha franquía xaponesa que inclúe xoguetes dixitais, anime, manga e videoxogos.
Os digimons son os monstros e as diversas formas de vida do "Digital World", un universo paralelo que se orixinou a partir das diversas redes de telecomunicacións da Terra.
O 6 de marzo de 1999, a franquía creou un anime como o primeiro dos filmes de Digimon, estreado nos teatros do Xapón. Orixinalmente, o filme Digimon Adventure ía ser unha curtametraxe, pero despois de que o guión estivese rematado, solicitouse que Digimon se convertese nunha serie de televisión. O 7 de marzo de 1999, comezaron a emitir a contraparte televisiva titulada Digimon Adventure.
Seguíronlle cinco tempadas máis, e cada unha cos seus propios filmes, e a serie foi posta á venda nos mercados occidentais no outono do mesmo ano. As series deron lugar a xogos de cartas, o Hyper Colosseum no Xapón e o Digi-Battle en América, e a numerosos videoxogos. A serie animada é sen dúbida o segmento máis coñecido do Universo Digimon e a responsable da maior parte da súa popularidade.
Digimon foi producido por Toei Animation e Bandai of Japan. As series foron emitidas no Xapón pola canle Fuji Television. As catro primeiras series foron chamadas Digimon: Digital Monsters nos mercados internacionais, mentres que Savers foi chamada Digimon Data Squad.
This article uses material from the Wikipedia Galego article Digimon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.