ᓄᓇᕗᑦ—ᐅᖓᕙ ᖃᐅᒪᕋᔭᐅᑉ ᐃᒃᑭᖓ ᐃᒻᒪᒃᓯᒪᔪᖅ ᐊᐃᑉᐸᖅ ᑲᓇᑕᒥ ᐊᑭᑐᔫᑎᑦ ᓄᓇᓖᑦ ᐃᖃᓗᐃᑦ.
ᐋᓐ ᒦᖀᑦᔩᒃ ᐦᐋᓐᓱᓐ ᓄᓇᕗᑦ ᐃᓱᕋᖅᑐᓂᖅ.
| |||||
ᐅᖃᐅᓯᓂ: ᓄᓇᕗᑦ ᓴᙱᓂᕗᑦ | |||||
ᓄᓇᕗᑦ ᐊᖏᓛᖑᕗᖅ ᐅᑭᐅᖅᑕᖅᑐᒥᓗ ᑲᓇᑕᒥ. ᐊᕕᑦᑕᐅᓚᐅᖅᑐᖅ ᓄᓇᑦᑎᐊᕐᒥᑦ ᐊᐃᐳᕈ 1, 1999-ᖑᑎᓪᓗᒍ, ᓄᓇᕗᒻᒥ ᒪᓕᒐᖅ ᐊᒻᒪ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑦ ᒪᓕᒐᖅ, ᑐᓂᓯᓚᐅᖅᑐᖅ ᓄᓇᕗᒻᒥ ᐃᓄᓐᓄᑦ ᐊᑦᑕᑎᖃᙱᑦᑐᓄᑦ ᒐᕙᒪᒃᑯᓐᓄᑦ. ᑭᒡᓕᖏᑦ ᐲᖅᑕᐅᓚᐅᖅᓯᒪᔪᑦ 1993-ᒥ. ᓄᓇᕗᑦ ᐱᙳᖅᑎᑕᐅᓂᖓ ᓯᕗᓪᓕᖅᐹᑦᑎᐊᒥᒃ ᐊᓯᔾᔨᕐᔪᐊᓚᐅᖅᐳᖅ ᑲᓇᑕᒥ ᒐᕙᒪᓕᕆᓂᕐᒧᑦ ᓄᓇᙳᐊᖅ ᐊᕐᕌᒍᑦ 100 ᓇᑉᐸᖓᑕ ᐃᓗᐊᓂ ᑕᐃᒪᙵᑦ ᓂᐅᕙᐅᓐᓛᓐ 1949-ᒥ ᓴᖅᑭᑕᐅᓚᐅᖅᑎᓪᓗᒍ.
ᓄᓇᕗᑦ ᐃᓚᖃᕐᔪᐊᖅᐳᖅ ᑲᓇᑕᒥ ᐅᑭᐅᖅᑕᖅᑐᒥ ᐊᒻᒪ ᐅᑭᐅᖅᑕᖅᑐᒥ ᕿᑭᖅᑕᖏᓐᓂ. ᐊᖏᔪᒻᒪᕆᐊᓘᓪᓗᓂ ᓄᓇᕗᑦ ᑕᓪᓕᒪᒋᔭᐅᕗᖅ ᐊᖏᓂᖅᐹᖑᓪᓗᓂ ᓄᓇᒋᔭᐅᓪᓗᓂ ᓄᓇᕐᔪᐊᕐᒥ, ᐊᒻᒪᓗ ᐊᒥᐊᓕᒐᑦ ᐅᐊᖕᓇᖓᓂ ᐊᖏᓂᖅᐹᖑᓪᓗᓂ (ᑲᓛᖦᖡᑦ ᓄᓈᓐᓂ). ᐃᖃᓗᐃᑦ ᐊᖓᔪᖅᑳᖃᕐᕕᐊ (ᑕᓯᐅᔭᕐᔪᐊᖅ), ᕿᑭᖅᑖᓘᑉ ᑲᓇᖕᓇᖔᖓᓂ, ᓂᕈᐊᖅᑕᐅᓚᐅᖅᓯᒪᕗᖅ ᐊᑭᑐᔫᑎᓄᑦ ᓂᕈᐊᖅᑎᓪᓗᒋᑦ 1995−ᒥᑦ. ᐊᓯᖏᑦ ᐊᖏᔪᑦ ᓄᓇᓖᑦ ᐅᑯᐊᖑᕗᑦ ᐊᕕᑦᑐᖅᓯᒪᔪᓂ ᑐᑦᑕᕐᕕᐅᔪᑦ ᑲᖏᖅᖠᓂᕐᒥ ᐊᒻᒪ ᐃᖃᓗᑦᑑᑦᑎᐊᕐᒥ.
ᓄᓇᕗᑦ ᐃᓚᖃᕐᒥᔪᖅ ᐊᐅᓱᐃᑦᑑᑉ ᕿᑭᖅᑖᓗᐊᓂ ᐅᐊᖕᓇᒧᑦ, ᐊᒻᒪᓗᑦᑕᐅᖅ ᑲᓇᖕᓇᖅᐸᓯᐊᓂ ᓂᒋᖅᐸᓯᐊᓂᓗ ᑮᓕᓂᐅᑉ ᕿᑭᖅᑕᖓᓂ ᐱᖓᖕᓇᖔᖓᓂ, ᕿᑭᖅᑕᓕᒫᓪᓗ ᑕᓯᐅᔭᕐᔪᐊᒥ, ᔭᐃᒥᓯ ᐊᒻᒪ ᐅᖔᕙ ᑲᖏᖅᖢᐃᑦ, ᐃᓚᐅᓪᓗᑎᒃ ᐊᑭᒥᔅᑭ ᕿᑭᖅᑕᖓ ᓂᒋᖅᐸᓯᐊᓄᑦ ᓄᓇᕗᑦ. ᑲᓇᑕᐅᑉ ᓄᓇᓕᕆᔪᑐᐊᖓ ᒐᕙᒪᓕᕆᓂᐅᔪᖅ ᐊᒃᑐᐊᓂᖃᙱᑦᑐᖅ ᐊᒥᐊᓕᒐᐃᑦ ᐅᐊᖕᓇᖓᓂ ᐊᖅᑯᑎᑯᑖᒃᑯᑦ.
ᓄᓇᕗᑦ ᐃᓄᒋᐊᙱᓐᓂᖅᐹᖑᕗᖅ ᑲᓇᑕᐅᑉ ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᓂᖏᓐᓂ. ᓄᓇᕐᔪᐊᕐᒥ ᐅᖓᓯᖕᓂᖅᐹᖑᖃᑕᐅᔪᖅ, ᓄᓇᑖᖅᓯᒪᕐᔪᐊᖅᑐᑦ, ᓄᓇᕗᒻᒥ ᐃᓄᒋᐊᒃᑎᒋᕗᑦ 39,589-ᓂᒃ (2021-ᒥ ᓈᓴᐅᑎ, 35,944-ᖑᓚᐅᖅᖢᑎᒃ 2016-ᒥ), ᐃᓄᖕᖏᓐᓃᖦᖢᑎᒃ. ᐊᒥᓲᓂᖏᑦ ᓄᓇᒦᑦᑐᑦ 1,877,787 km2 (725,018 sq mi), ᒥᑭᓐᓂᖅᓴᐅᕌᕐᔪᒃᖢᓂᓘᓐᓃᑦ ᒪᒃᓯᑯᒥᑦ (ᐃᒪᐅᑉ ᖄᖓ ᐃᓚᐅᙱᖦᖢᓂ). ᓄᓇᕗᑦᑕᐅᖅ ᐊᖏᕐᕋᕆᔭᐅᒋᕗᖅᑕᐅᖅ ᓄᓇᕐᔪᐊᑉ ᐅᑭᐅᖅᑕᖅᑐᒦᓛᖁᑎᖓᓄᑦ ᓄᓇᖃᐃᓐᓇᓕᖅᑐᒥᒃ, ᐊᓘᑦᒥᒃ. ᔪᕇᑲ, ᓯᓚᓐᓂᐊᕐᕕᒃ ᐊᐅᓱᐃᑦᑑᑉ ᕿᑭᖅᑖᓗᐊᓂ, ᐊᑦᑎᓛᒥᒃ ᐊᕐᕌᒍᑕᒫᑦ ᐆᓇᕐᓂᖃᖃᑦᑕᖅᑐᖅ ᑲᓇᑕᒥ ᓯᓚᓐᓂᐊᕐᕕᖓᓂ.
This article uses material from the Wikipedia ᐃᓄᒃᑎᑐᑦ article ᓄᓇᕗᑦ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᐃᓄᒃᑎᑐᑦ (DUHOCTRUNGQUOC.VN) is an independent company and has no affiliation with Wiki Foundation.