ᐅᕙᓂ ᐅᑭᐊᒃHᐊᒥ ᐃᖃᓗᒃHᐃᐅᕐᓇᖅHᐃᓕᕌᖓᑦ, ᐃᓄᐃᓐᓐᐊᐃᑦ ᐅᕙᓂ ᐊᕕᒃᑐᒡHᐃᒪᔪᒥ ᓄᓇᖓᓂ ᑲᑎᓕᖅᐸᒃᑐᑦ ᓄᓇᒥ ᐊᑎᖃᖅᑐᒥᒃ ᐃᖃᓗᒃᑑᖅ ᑐᒃᑐHᐃᖅHᐅᑎᒃ ᑐᒃᑐ ᐃᖏᓪᕋᓕᕌᖓᑦ.
ᐃᖃᓗᒃᑑᖅ ᑐᐊᑦᑐᖅ ᓄᓇᑉ ᐃᓂᐊ ᑲᑎᓪᕕᐅᔪᖅ ᑯᒐᖅ ᐅᕙᓂ ᑕᕐᔪᕐᒥᑦ ᑕHᐃᕐᔪᐊᒥᑦ ᑕHᐃᕐᔪᐊᖅ (Fergurson Lake). Uᓇ ᓄᓇ ᐃᓕᑦᖁHᐃᓕᒃ ᐃᑳᕈHᐃᐊ ᑐᒃᑐᑦ ᑲᑎᓪᕕᐅᓕᕌᖓᑦ ᓄᓇᒥ ᑰᒐᖅ ᐃᑳᕐᓇᖅᑐᒥᒃ.
ᓄᐊᓇᐃᑦᑐᖅ ᐃᓅᑎᕗᑦ ᖃᖓᕌᓗᒃ ᑐᒃᑐHᐃᐅᓕᖅᐸᒃᑐᑦ ᓇᔪᒑᑦ ᑕᑯᓐᓐᐊᖅᑐᖅ ᐊᖏᔪᕌᓗᒃ ᐃᓂᑐᕐᓖᑦ ᓇᔪᒐᓕᑦ ᐅᓇᓗ ᓄᓇᑦ ᐊᑎᖏᑦ ᖃᓕᕇᖅHᐃᒪᔪᑦ ᓄᓇᑉ ᖄᖓᓂ. ᐃᓂᖏᑦ Hᐊᕝᕗᒥᙵᑦ ᑐᒃᑐᑦ ᐃᑳᕈHᐃᕋᓗᐊᖓᑦ ᑕᑯᓐᓐᐊᖅHᐅᑎᒃ ᐅbᓗᒥᒧᑦ ᑕᑭᔮᖅᑐᖅ ᐃᓄᒃHᐅᑦ, ᐆᒥᙵᓪᓘᓃᑦ "ᐃᓄᒃᓱᐃᑦ", ᐅᓇᓗᑐᒃᑐHᐃᐅᕐᕕᖓ ᑕᓗᐊ Hᐃᓈᓂ ᑐᙵᓂᑦ Hᐃᓈᑦ ᑰᒃᑲᒥᑦ. ᐃᓄᒃᓱᐃᑦ ᐃᑳᕈHᐃᐊᑦ ᑐᒃᑐHᐃᐅᕈᑕᐅᓕᖅᐸᒃHᐅᑎᒃ. ᐊᒥᖓᐃᑦᑕᕌᖓᑦ ᑐᒃᑐHᐃᐅᕆᐊᖓᑦ, Hᐊᑉᑯᐊᑦ ᐅᔭᖅᖃᑦ ᐃHᐅᐊᖅHᐊᕇᖅHᐃᒪᔭᖏᑦ ᐊᑐᖅᑕᐅᕙᒃHᐅᑎᒃ ᑐᒃᑐᑦ ᐃᖑᑖᓕᕌᖓᑦ ᓅᑦᖃᖅᐸᒐᐃᑦ ᑐᒃᑐᑦ ᐊᔪᕐᓇᐃᑦᑐᒥᒃ ᑐᒃᑐHᐃᐅᕆᐊᖓᑦ. ᑐᒃᑐᑦ ᑕᑯᑦᑎᐊᔪᐃᓐᓐᐊᒥᒃ ᐅᖓHᐃᒃHᐃᕙᒃHᐅᑎᑯᔭᕋᓕᖕᓂᑦ, ᐃᓅᓇHᐅᒋᔭᐅᕙᒃᑐᑦ ᐋᓪᓚᓂᑦ Hᐅᕋᑦᔭᓂᓪᓘᓐᓐᐄᑦ. ᐃᓛᓂ ᐊᕐᓇᑦ ᓄᑕᖅᖃᓪᓗ ᓂᑉᓕᓕᖅᐸᒃHᐅᑎᒃ ᒧᕐᕈᙳᐊᓕᖅHᐅᑎᒃ ᐊᒪᕈᖅᑐᑦ ᑐᓄᐊᓂᑦ ᐃᓄᒃHᐅᐃᑦ, ᕿᔪᖕᓂᑦ ᐊᒦᓪᓘᓃᑦ ᑭᐱᒃHᐃᒪᔪᓂᑦ ᐃᕖᓪᓘᓃᑦ ᐅᔭᕋᖅ ᖄᖓᓄᙵᓕᖅᐸᒑᑦ ᑕᐃᒫ ᐃᖅHᐃᑖᖅHᐅᒋᑦ ᑐᒃᑐᑦ ᐃᖏᓪᕋᔪᑦ. ᐅᔭᕋᑦ ᐃHᐅᐊᖅHᐃᕇᖅHᐃᒪᔪᑦ ᖃᑭHᐃᒪᔪᑦ ᓂᕈᑭᑦᑐᑦ, ᐃᑳᕆᐊᖓᑦ ᑐᒃᑐᑦ ᓂᕈᑭᑦᑐᒧᑦ ᑐᓄᐊᓂ ᐅᔭᖅᖃᑉ ᑕᓗᐊᓂ. Hᐅᕋᑦᔭᑦ ᖃᒡᓕᒑᖓᑦ, ᐊᖑᓂᐊᖅᑎᑦ ᒪᑭᕙᒃHᐅᑎᒃ ᐱᑎᒃHᐅᒋᑦ Hᐅᕋᑦᔭᓄᑦ. ᑕᐃᒪᓂ ᐱᑎᒃᓃᑦ ᖃᕐᔪᖕᐃᓪᓗ ᐊᙳᑎᕙᒑᑦ, ᑭHᐃᒥ Hᐃᖅᖂᑎᑦ ᑕᔭ ᐊᑐᐃᓐᓐᐊᓕᖅᑕᖏᑦ ᐃHᐅᐊᕆᔭᒥᖕᓂᑦ.
This article uses material from the Wikipedia ᐃᓄᒃᑎᑐᑦ article Tuktuhiuqtut Talumi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᐃᓄᒃᑎᑐᑦ (DUHOCTRUNGQUOC.VN) is an independent company and has no affiliation with Wiki Foundation.