Eva Aariak

ᒥᓂᔅᑕ ᐄᕙ ᐋᕆᐊᒃ «Eva Aariak» ᓄᓇᕗᑦ ᐃᓱᕋᖅᑐᓂᖅ.

Eva Aariak
ᒥᓂᔅᑕ ᐄᕙ ᐋᕆᐊᒃ

ᓯᕗᓕᖅᑎ ᐄᕙ ᐋᕆᐊᒃ ᑕᑯᓐᓇᓐᖑᐊᖅᑕᖓ ᓄᓇᕗᒻᒥᐅᑦ ᐱᔪᒥᒃᓱᒃᑲᓐᓂᓕᖁᓪᓗᒋᑦ, ᓄᓇᓕᖕᓂᒃ ᓈᓚᖕᓂᖅ, ᐊᒻᒪᓗ ᓴᓐᖏᔪᓂᒃ ᒐᕙᒪᓂᒃ ᐋᖅᑭᒃᓱᐃᕙᓪᓕᐊᓂᖅ ᐱᔾᔪᑎᒋᓪᓗᒋᑦ ᓄᓇᕗᒻᒥ ᑐᖏᓕᕆᔭᐅᓪᓗᓂ ᓯᕗᓕᖅᑎᓐᖑᓚᐅᖅᓯᒪᕗᖅ. ᐃᓂᒥᓄᑦ ᐊᖏᖅᑎᑕᐅᓚᐅᖅᓯᒪᔪᖅ ᓄᕕᐱᕆ 19, 2008-ᖑᑎᓪᓗᒍ.

ᐃᖅᑲᓇᐃᔮᑦᑎᐊᕌᓗᒋᖃᑦᑕᖅᓯᒪᔭᒥᓂ, ᐄᕙ ᐋᕆᐊᒃ ᓴᖅᑭᔮᖅᑎᑦᑎᒃᑲᓐᓂᖅᑐᕐᔪᐊᕌᓘᓚᐅᖅᓯᒪᔪᖅ ᓄᓇᕗᒻᒥ ᐅᓄᓛᓄᑦ ᐅᖃᐅᓯᕐᒥᒃ ᐊᑐᖅᑕᐅᔪᒥᒃ, ᐃᓄᐃᑦ ᐅᖃᐅᓯᖓᓂᒃ. 6-ᓄᑦ ᐊᕐᕌᒍᓄᑦ, ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᑲᒥᓴᓇᐅᓚᐅᖅᓯᒪᔪᖅ, ᑖᓐᓇ ᐊᖅᑯᑕᐅᓪᓗᓂ ᓇᐅᑦᑎᖅᓱᖅᑎᒋᔭᐅᔪᑦ ᓄᓇᕗᑦ ᒐᕙᒪᒃᑯᑦ ᐃᓄᐃᑦ, ᐅᐃᕖᑦ ᐊᒻᒪᓗ ᖃᓪᓗᓈᑦ ᐅᖃᐅᓯᖏᑦᑕ ᐊᑐᖅᑕᐅᖃᑦᑕᕐᓂᖏᓐᓂᒃ. ᐄᕙ ᐋᕆᐊᒃ ᕿᒥᕐᕈᓇᓚᐅᖅᑐᖅ ᓄᓇᕗᑦ ᓯᕗᒧᐊᒃᐸᓪᓕᐊᒐᓗᐊᕐᒪᖔᖓ ᐃᓄᐃᑦ ᐊᒻᒪᓗ ᐃᓄᐃᓐᓇᐃᑦ ᐅᖃᐅᓯᖏᑦ ᐊᑐᖅᑕᐅᕙᓪᓕᐊᓂᖓ ᒐᕙᒪᒃᑯᑦ ᐃᓗᐊᓂ, ᐊᒻᒪᓗ ᒪᓕᒐᓕᐅᕐᕕᐅᑉ ᑲᑎᒪᔨᖃᓛᖏᓐᓄᑦ ᐊᑐᓕᖁᔭᓕᐅᓚᐅᖅᓯᒪᓪᓗᓂ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᒃᓴᖓ ᐊᒻᒪᓗ ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᒃᓴᖅ ᕿᒥᕐᕈᓇᒃᑕᐅᑎᓪᓗᒍ. ᐃᒪᐃᓕᐅᖃᑦᑕᓚᐅᖅᓯᒪᖕᒥᔪᖅ: ᐃᑲᔪᓚᐅᖅᓯᒪᔪᖅ ᐃᓄᒃᑎᑑᓕᖅᑎᑕᐅᕙᓪᓕᐊᓕᖅᑎᓪᓗᒋᑦ ᖃᕆᓴᐅᔭᒃᑯᑦ ᖃᓄᐃᓕᐅᖅᐸᓪᓕᐊᔾᔪᑏᑦ; ᐃᓄᒃᑎᑑᖓᔪᓂᒃ ᓱᕈᓯᕐᓄᑦ ᐅᖃᓕᒫᓂᒃ ᐅᖅᑯᕐᒥᐅᑦ ᐃᓕᓐᓂᐊᕐᕕᖏᓐᓂ ᐊᑐᖅᑐᒃᓴᓂᒃ ᓴᓇᓚᐅᖅᓯᒪᔪᖅ; ᐊᒻᒪᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᖓᔪᖅᑲᐅᑎᓂᒃ ᐃᓄᒃᑎᑐᑦ ᐃᓕᓐᓂᐊᖅᑎᑦᑎᓚᐅᖅᓯᒪᓪᓗᓂ.

ᐄᕙ ᐋᕆᐊᒃ ᐱᓕᒻᒪᒃᓯᒪᓂᑰᖕᒥᔪᖅ ᑐᓴᐅᒪᔾᔪᑎᓕᕆᓂᕐᒥᒃ, ᐃᖅᑲᓇᐃᔭᖅᑐᓕᕆᓂᕐᒥᒃ, ᓇᖕᒥᓂᖅ ᐱᓯᓂᓯᖃᕐᓂᕐᒥᒃ, ᑎᑎᕋᕐᕕᖓᓂᓗ ᐃᓕᓐᓂᐊᖅᑎᑦᑎᓂᕐᒥᒃ ᐊᐅᓚᑦᓯᓂᕐᒥᒡᓗ. ᑐᓴᐅᒪᔾᔪᑎᓕᕆᔨᐅᓚᐅᖅᓯᒪᔪᖅ ᓄᓇᕗᒻᒥ ᑲᒥᓴᓇᐅᑲᐃᓐᓇᖅᑑᑉ ᑎᑎᕋᕐᕕᖓᓂ, ᑖᒃᑯᐊ ᐱᔭᒃᓴᖅᑖᖅᑎᑕᐅᓚᐅᖅᓯᒪᖕᒪᑕ ᐊᑐᓕᖅᑎᑦᑎᓂᕐᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᖏᓐᓂᒃ ᐊᒻᒪᓗ ᓄᓇᕗᑦ ᒐᕙᒪᒃᓴᖏᓐᓂᒃ ᐋᖅᑭᒃᓱᐃᓗᑎᒃ. ᐄᕙ ᐋᕆᐊᒃ ᐱᕙᓪᓕᐊᔪᓕᕆᔨᐅᓚᐅᖅᓯᒪᔪᖅ ᓰᐲᓰᒃᑯᓐᓄᑦ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᖃᐅᔨᒪᔨᑕᕆᔭᐅᓚᐅᖅᓯᒪᓪᓗᓂ ᓄᓇᑦᓯᐊᑉ ᒐᕙᒪᒃᑯᖏᓐᓄᑦ. ᐃᒃᐱᐊᕐᔪᕐᒥᐅᑦ ᐃᓕᓐᓂᐊᖅᑐᓕᕆᔨᖏᑦᑕ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᓚᐅᖅᓯᒪᔪᖅ, ᐃᖃᓗᐃᑦ ᐃᓕᓐᓂᐊᖅᑐᓕᕆᔨᖏᑦᑕ ᑲᑎᒪᔨᖏᓐᓂ ᐊᒻᒪᓗ ᒥᑦᑎᒪᑕᓕᐅᑉ ᕼᐋᒻᓚᒃᑯᖏᑦᑕ ᑲᑎᒪᔨᖏᓐᓂ.

ᒪᓕᒐᓕᐅᕐᕕᖕᒧᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᐄᕙ ᐋᕆᐊᒃ ᓇᖕᒥᓂᖃᓚᐅᖅᑐᖅ ᐊᐅᓚᑦᓯᓚᐅᖅᑐᕐᓗ ᐱᓯᓂᓯᕋᓛᕐᒥᒃ, ᐊᒻᒪᓗ ᐃᒃᓯᕙᐅᑕᕆᔭᐅᓚᐅᖅᖢᓂ ᕿᑭᖅᑖᓗᖕᒥ ᓇᖕᒥᓂᖃᖅᑐᑦ ᐱᓕᕆᕝᕖᑦ ᑲᑐᔾᔨᖃᑎᒌᖏᓐᓄᑦ.

ᐃᒃᐱᐊᕐᔪᖕᒥᐅᒃᓴᔭᐅᓪᓗᓂ, ᐄᕙ ᖃᒪᓂᖅ ᐋᕆᐊᒃ ᐃᖃᓗᖕᒥᐅᑕᐅᓕᖅᑐᖅ. ᑎᓴᒪᓂᒃ ᕿᑐᕐᖓᓕᒃ, ᑳᓖᓐ, ᔪᐊᑕᓐ, ᓵᓐ ᐊᒻᒪᓗ ᔨᐅᕆ, ᐊᓈᓇᑦᑎᐊᕆᔭᐅᓪᓗᓂᓗ ᒪᕐᕉᖕᓄᑦ, ᑕᓯᐊᓇ ᐊᒻᒪᓗ ᔪᐃᔅ.

Eva Aariak ᑖᓐᓇ ᓇᐃᑦᑐᒥᒃ ᐅᖃᓕᒫᕐᕕᒃ ᐃᑲᔪᖅᑕᐅᔭᕆᐊᖃᖅᑐᑦ. ᐱᐅᓯᕚᓪᓕᖅᑎᑦᑎᓂᕈᓐᓇᖅᑐᑦ. ᑎᑎᕋᖅᑐᒃᑯᑦ.

Tags:

ᓄᓇᕗᑦ

🔥 Trending searches on Wiki ᐃᓄᒃᑎᑐᑦ:

ᑯᕇᐊᒥᐅᑦᐊᑯᑭᑦᑐᑦᐊᒻᒪᓕᕙᑦᓯᐊᖅᐱᐅᓕᑦᓯᔨᔨᒥ ᐆᐃᓪᔅᑖᑰᑖ ᓂᒋᖅᑐᐱᖅᐊᒥᐊᓕᑲ/amialikaᑐᕐᔅᐳᑐᒃᑐᒃᓚᐊᐱᑕᖃᐅᔨᓴᕐᓂᖅ ᑎᑎᖅᑲᑎᒍᑦ ᖃᓄᐃᓕᐅᖅᑕᐅᖃᑦᑕᕐᓂᑯᓂᒃKanatami Inuit Uqausingitᐊᒥᐊᕆᑲ ᑐᓄᕕᐊᖅᒪᐃ2009 in ᓄᓇᕗᑦᐃᑯᒪᔭᐹᓐᔪᑯᕋᐃᓐᖃᕆᑕᖅᑖᑰᑖ ᑐᓄᕕᐊᖅᒥᕐᑰᕆPlayStation 4Ullugiakᐊᕿᑦᑐᖅ ᖃᕆᑕᐅᔭᐅᑉ ᑎᑎᕋᕐᕕᖓᓄᓇᕐᔪᐊᕐᒥ ᑲᑐᔾᔨᖃᑎᒌᑦᑰᓘᕌᑑJulaiᓂᐅ ᓰᓚᓐᐃᒍᓇᖅᑲᓇᑕ/kanataᐃᓄᒃᑎᑐᑦᑲᓴᒃᖢᓇ ᓄᓇᐃᓄᐃᑦ (ᓄᓇᖃᖅᑳᖅᓯᒪᔪᑦ)ᐹᓪ ᐅᑲᓕᖅᐃᓄᒃᑦᓯᐊᖅᓈᕙᐦᐅᑐᑦᖃᓂᖅ ᖁᐊᔪᖅᐃᓄᐃᑦ ᑕᑯᓐᓇᕋᑦᓴᓕᕆᔨᑦMain Pageᓗᐄᓰᐋᓈᐃᒡᓗᕐᔪᐊᑦ ᐋᖅᑭᒃᓯᒪᓂᖏᑦᐃᓄᐃᑦ ᓄᓇᒧᑦ ᐊᑕᓂᕆᔭᖓᐊᐃᐳᕆᓪ🡆 More