ᐹᓪ ᐅᑲᓕᖅ «Paul Okalik» ᓄᓇᕗᑦ ᐃᓱᕋᖅᑐᓂᖅ.
ᐃᓅᓕᖅᐳᖅ ᒪᐃ 24 1964.
ᒥᔅᑐ ᐅᑲᓕᖅ ᓄᓇᕗᒻᒥ ᓯᕗᓕᖅᑎᐅᓚᐅᖅᑐᖅ ᐊᐃᕐᕆᓕ 1, 1999-ᒥᑦ ᓄᕕᐱᕆ 19, 2008-ᒧᑦ ᑎᑭᖢᒍ. ᑕᒪᓐᓇ ᐊᑐᖅᑎᓪᓗᒍ, ᒥᔅᑐ ᐅᑲᓕᖅ ᒥᓂᔅᑕᐅᕝᕕᖃᓚᐅᖅᑐᖅ ᒪᓕᒐᓕᕆᔨᒃᑯᓐᓄᑦ. ᒫᓐᓇ ᐃᓚᒋᔭᐅᖃᑕᐅᔪᖅ ᒪᓕᒐᓕᐅᕐᕕᐅᑉ ᑲᑎᒪᔨᓕᕆᔨᖏᑦᑕ ᑲᑎᒪᔨᖏᓐᓄᑦ.
1980 ᐊᑐᖅᑎᓪᓗᒋᑦ, ᒥᔅᑐ ᐅᑲᓕᖅ ᐋᔩᖅᑎᓄᑦ ᑐᖏᓕᕆᔭᐅᓚᐅᖅᓯᒪᔪᖅ ᐃᑲᔪᖅᑎᒋᔭᐅᓪᓗᓂᓗ ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᓐᓄᑦ, ᑖᒃᑯᐊ ᑎᒥᐅᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ ᐋᔩᖅᑎᒋᔭᐅᓚᐅᖅᓯᒪᖕᒪᑕ. ᒥᔅᑐ ᐅᑲᓕᖅ ᐋᖅᑭᒃᓱᐃᓚᐅᖅᓯᒪᔪᖅ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᐸᐸᑦᑎᔨᖏᓐᓂᒃ, ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ, ᓄᓇᕗᒻᒥ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓕᓐᓂᐊᖅᑐᓕᕆᔨᖏᑦᑕ ᑲᑎᒪᔨᕋᓛᖏᓐᓂᒃ ᐊᒻᒪᓗ ᓄᓇᕗᒻᒥ ᐃᓅᓯᓕᕆᓂᕐᒧᑦ ᑲᑎᒪᔨᓂᒃ.
1990 ᐱᒋᐊᓕᓵᖅᑎᓪᓗᒋᑦ ᐃᓕᓐᓂᐊᕆᐊᒃᑲᓐᓂᓕᓚᐅᖅᓯᒪᔪᖅ, ᑳᓪᑕᓐ ᓯᓚᑦᑐᖅᓴᕐᕕᒡᔪᐊᖓᓐᓂᓗ ᐱᔭᕇᖅᓯᓚᐅᖅᓯᒪᓪᓗᓂ ᒐᕙᒪᓕᕆᓂᕐᒥᒃ ᑲᓇᑕᒥᓗ ᐃᓕᓐᓂᐊᖅᑕᐅᖃᑦᑕᖅᑐᓂᒃ. ᒥᔅᑐ ᐅᑲᓕᖅ ᐋᑐᕚ ᓯᓚᑦᑐᖅᓴᕐᕕᒡᔪᐊᖓᓐᓂ ᐱᔭᕇᖅᓯᓚᐅᖅᓯᒪᔪᖅ ᒪᓕᒐᓕᕆᔨᐅᓂᕐᒥᒃ 1997-ᒥ ᐊᒻᒪᓗ ᓄᓇᕗᒻᒥ ᒪᓕᒐᕐᓂᐊᖅᑏᑦ ᑲᑐᔾᔨᖃᑎᒌᖏᓐᓄᑦ ᐃᓚᓕᐅᑎᓚᐅᖅᓯᒪᓪᓗᓂ ᕕᕗᐊᕆ 12, 1999-ᒥ.
ᒥᔅᑐ ᐅᑲᓕᖅ ᒪᕐᕉᖕᓂᒃ ᕿᑐᕐᖓᓕᒃ, ᓵᔅᑕ ᐊᒻᒪᓗ ᔪᐊᑕᓐ. ᒥᔅᑐ ᐅᑲᓕᖅ ᖁᕕᐊᒋᔭᓕᒃ ᐊᖑᓇᓱᖕᓂᕐᒥᒃ, ᐃᖃᓪᓕᐊᖃᑦᑕᕐᓂᕐᒥᒃ ᐊᒻᒪᓗ ᒑᕝᓂᕐᒥᒃ,. ᐅᖃᕈᓐᓇᑦᑎᐊᖅᑐᖅ ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᖢᓂ.
ᑖᓐᓇ ᓇᐃᑦᑐᒥᒃ ᐅᖃᓕᒫᕐᕕᒃ ᐃᑲᔪᖅᑕᐅᔭᕆᐊᖃᖅᑐᑦ. ᐱᐅᓯᕚᓪᓕᖅᑎᑦᑎᓂᕈᓐᓇᖅᑐᑦ. ᑎᑎᕋᖅᑐᒃᑯᑦ.
This article uses material from the Wikipedia ᐃᓄᒃᑎᑐᑦ article ᐹᓪ ᐅᑲᓕᖅ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᐃᓄᒃᑎᑐᑦ (DUHOCTRUNGQUOC.VN) is an independent company and has no affiliation with Wiki Foundation.