Hringadróttinssaga: ævintýrabækur eftir J. R. R. Tolkien frá 1954-1955

R. R. Tolkien sem kom út í þremur bindum árin 1954 og 1955. Bindin heita Föruneyti hringsins, Tveggja turna tal og Hilmir snýr heim. Hvert bindi skiptist í tvær bækur og því samanstendur sagan af sex bókum alls. Hringadróttinssagan gerist í heimi sem Tolkien skapaði, og sá heimur er einnig bakgrunnur bókanna um Hobbitann, Silmerillinn og fleiri. Feðgarnir Úlfur Ragnarsson og Karl Ágúst Úlfsson þýddu Hobbitann yfir á íslensku 1978, en Þorsteinn Thorarensen þýddi síðar allar bækurnar á íslensku.

Hringadróttinssaga

Eftirlíking af hringnum eina ofan á eintaki af Föruneyti hringsins.
Höfundur	J. R. R. Tolkien
Titill á frummáli	The Lord of the Rings
Þýðandi	Þorsteinn Thorarensen
Land	Bretland
Tungumál	Enska
Útgefandi	Allen & Unwin (í Bretlandi)
Útgáfudagur	29. júlí 1954 (Föruneyti hringsins) 11. nóvember 1954 (Tveggja turna tal) 20. október 1955 (Hilmir snýr heim)
Forveri	Hobbitinn

Hringadróttinssaga hefur verið kvikmynduð þrisvar sinnum: ein teiknimynd hefur verið gerð, ein sjónvarpsmynd og nú síðast gerði nýsjálenski leikstjórinn Peter Jackson kvikmyndaþríleik sem kom út á árunum 2001 til 2003.

Sagan fjallar, í stuttu máli, um Hobbitann Fróða Bagga sem erfir dularfullan hring eftir frænda sinn og fóstra, Bilbó Bagga, þegar Bilbó bókstaflega hverfur fyrir allra augum á 111 ára afmælinu sínu. Seinna kemur í ljós að þessi hringur var sköpunarverk Saurons, sem tókst næstum því að ná undir sig öllum Miðgarði fyrir mörgum öldum, en þegar Sauron glataði Hringnum missti hann allan mátt og flúði burt sem veikur skuggi og veldi hans hrundi til grunna. En nú er Sauron byrjaður að eflast aftur og Fróði þarf að fara ásamt garðyrkjumanni sínum, Sóma, og fleiri Hobbitum til Mordor að eyða Hringnum eina. En það eru fleiri að berjast gegn Sauroni, t.d. Aragorn sonur Araþorns, erfinginn að krúnu Gondors, Legolas sonur Þrændils, erfingi að krúnu Myrkviðar, áður Mikli-Græniskógur, Gimli sonur Glóins, hefði getað orðið erfingi að krúnunni í Moría og Vitkinn Gandalfur, sem ber einn Álfahringanna þriggja.

Hringkvæði úr sögunni er sérstaklega frægt (þýðing eftir Geir Kristjánsson):

Þrjá fá kóngar Álfa í eyðiskóga geim,
sjö fá höldar Dverga í hamravíðum sal,
níu fá dauðlegir Menn, þá hel sækir heim,
einn fær sjálfur Myrkradróttinn á myrkranna stól
í því landi Mordor sem magnar skugga sveim.
Einn Hringur ræður þeim öllum, einn skal hann hina finna,
einn skal hann safna þeim öllum og um sinn fjötur spinna
í því landi Mordor, sem magnar skugga sveim.

Á frumtungunni er Hringkvæðið svona:

Three Rings for the Elven-kings under the sky,
Seven for the Dwarf-lords in their halls of stone,
Nine for Mortal Men doomed to die,
One for the Dark Lord on his dark throne
In the Land of Mordor where the Shadows lie.
One Ring to rule them all, One Ring to find them,
One Ring to bring them all and in the darkness bind them
In the Land of Mordor where the Shadows lie.

• Listi Le Monde yfir 100 minnisstæðustu bækur aldarinnar

   Þessi bókmenntagrein er stubbur. Þú getur hjálpað til með því að bæta við greinina.