Sumarólympíuleikarnir 2008

ágúst til 24. ágúst, 2008. Í kjölfar leikanna voru Sumarólympíuleikar fatlaðra 2008 haldnir þar frá 6. september til 17. september. Búist er við komu um 10.500 íþróttamanna sem taka þátt í 302 keppnum í 28 íþróttagreinum, aðeins einni keppni meira en á síðustu ólympíuleikum. Leikarnir eru haldnir á landi tveggja landsnefnda í þriðja skiptið í sögu leikanna, þar sem hluti þeirra fer fram í Hong Kong sem er með eigin nefnd.

Peking var valin eftir kosningu Alþjóða ólympíunefndarinnar 13. júlí 2001.

Einstakir afreksmenn

Usain Bolt frá Jamaíka var stærsta stjarna leikanna. Hann setti heims- og ólympíumet í 100 og 200 metra hlaupi, 9,69 sekúndur og 19,30 sekúndur. Sundmaðurinn Michael Phelps slóst við hann um athyglina með átta gullverðlaunum og sló sjö heimsmet í leiðinni.

Tenniskeppnin fékk mikla athygli á leikunum þar sem Spánverjinn Rafael Nadal fór með sigur af hólmi. Lionel Messi var burðarásinn í Ólympíumeistaraliði Argentínu en nokkrir eldri leikmenn voru leyfðir til að styrkja ungmennaliðin í karlaflokki. Kínverjar unnu liðakeppni kvenna í fimleikum í fyrsta sinn og kínverska liðið hlaut langflest gullverðlaunin í fimleikakeppni beggja kynja.

Handknattleikskeppni ÓL 2008

Íslendingar tryggðu sér sæti á ÓL í forkeppnisleikjum í Póllandi í júnímánuði. Tólf lið kepptu í tveimur sex liða riðlum þar sem fjögur efstu lið úr hvorum komust í fjórðungsúrslit. Upphafsleikur Íslands var 33:31 sigur á Rússum og því næst tók við sigur á Þjóðverjum. Íslendingum var kippt niður á jörðina aftur með tapi á móti Suður-Kóreu. Í kjölfarið komu tveir 32:32 jafnteflisleikir gegn Dönum og Egyptum. Þrjú lið voru jöfn með sex stig á toppi riðilsins en Ísland mátti sætta sig við þriðja sætið vegna innbyrðisviðureigna.

Í fjórðungsúrslitum voru mótherjar Íslands Pólverjar, sem leiddu með fimm marka forystu í hálfleik. Eftir hlé sneri íslenska liðið taflinu við og vann 32:30. Í undanúrslitum voru mótherjarnir Spánverjar, þar sem Ísland náði snemma forystunni og vann að lokum 36:30. Íslendingar voru öruggir á verðlaunapall og mættu ógnarsterku liði Frakka í úrslitum, sem hafði slegið út Króata í hinni unanúrslitaviðureigninni. Frakkar höfðu talsverða yfirburði, náðu fimm marka forystu í hálfleik og héldu henni allt til loka. Íslendingar fengu hins vegar silfurverðlaunin og öllum leikmönnum liðsins var í mótslok veitt fálkaorðan úr hendi forsetans.

Þátttaka Íslendinga á leikunum

Auk handboltalandsliðsins sendu Íslendingar þrettán íþróttamenn til keppni á leikunum.

Þrír keppendur tóku þátt í frjálsum íþróttum, þar sem Þórey Edda Elísdóttir náði hæst 25. sæti í stangarstökki og var talsvert frá sínu besta. Íslendingar áttu sitthvorn keppandann í júdó og badminton. Átta sundmenn voru skráðir til leiks en ekkert þeirra komst upp úr fyrstu umferð.

Keppendur eftir löndum

Hér fyrir neðan er listi yfir þau lönd sem eru með landsnefnd og fjöldi keppenda í sviga.

Íslendingar fengu ein verðlaun og það var íslenska handknattleikslandsliðið sem vann silfurverðlaun en það er aðeins önnur silfurverðlaun Íslands í sögu þess.

Dagatal

Í eftirfarandi dagatali yfir Ólympíuleikana 2008 táknar hver blár reitur einn keppnisviðburð, t.d. undankeppni, á þeim degi. Gulu reitirnir eru dagar þar sem verðlaun eru afhent. Hver punktur í þessum reitum táknar úrslitakeppni.

Verðlaunahafar eftir löndum

Nr.	Land	Gull	Silfur	Brons	Samtals
1	Kína	51	21	28	100
2	Bandaríkin	36	38	36	110
3	Rússland	23	21	28	72
4	Bretland	19	13	15	47
5	Þýskaland	16	10	15	41
6	Ástralía	14	15	17	46
7	Suður Kórea	13	10	8	31
8	Japan	9	6	10	25
9	Ítalía	8	9	10	27
10	Frakkland	7	16	18	41
11	Úkraína	7	5	15	27
12	Holland	7	5	4	16
13	Kenýa	6	4	4	14
14	Jamæka	6	3	2	11
15	Spánn	5	10	3	18
16	Hvíta-Rússland	4	5	10	19
17	Rúmenía	4	1	3	8
18	Eþíópía	4	1	2	7
19	Kanada	3	9	6	18
20	Ungverjaland	3	5	2	10
21	Pólland	3	6	1	10
22	Noregur	3	5	1	9
23	Brasilía	3	4	8	15
24	Tékkland	3	3	0	6
25	Nýja-Sjáland	3	2	4	9
26	Slóvakía	3	2	1	6
27	Georgía	3	0	3	6
28	Kúba	2	11	11	24
29	Kasakstan	2	4	7	13
30	Danmörk	2	2	3	7
31	Mongólía	2	2	0	4
31	Tæland	2	2	0	4
33	Sviss	2	1	4	7
34	Norður-Kórea	2	1	3	6
35	Argentína	2	0	4	6
36	Mexíkó	2	0	1	3
37	Tyrkland	1	4	3	8
38	Simbabve	1	3	0	4
39	Aserbaídsjan	1	2	4	7
40	Úsbekistan	1	2	3	6
41	Slóvenía	1	2	2	5
42	Búlgaría	1	1	3	5
	Indónesía	1	1	3	5
44	Finnland	1	1	2	4
45	Lettland	1	1	1	3
46	Belgía	1	1	0	2
	Dóminíska lýðveldið	1	1	0	2
	Eistland	1	1	0	2
	Portúgal	1	1	0	2
50	Indland	1	0	2	3
	Serbía	1	0	2	3
52	Íran	1	0	1	2
53	Kamerún	1	0	0	1
	Panama	1	0	0	1
	Túnis	1	0	0	1
56	Svíþjóð	0	4	1	5
57	Króatía	0	2	3	5
	Litháen	0	2	3	5
59	Grikkland	0	2	2	4
60	Trínidad og Tóbagó	0	2	0	2
61	Nígería	0	1	3	4
62	Austurríki	0	1	2	3
	Írland	0	1	2	3
64	Alsír	0	1	1	2
	Bahamaeyjar	0	1	1	2
	Kólumbía	0	1	1	2
	Kirgistan	0	1	1	2
	Marokkó	0	1	1	2
	Tadsjikistan	0	1	1	2
70	Ekvador	0	1	0	1
	Ísland	0	1	0	1
	Malasía	0	1	0	1
	Síle	0	1	0	1
	Singapúr	0	1	0	1
	Suður-Afríka	0	1	0	1
	Súdan	0	1	0	1
	Víetnam	0	1	0	1
78	Armenía	0	0	6	6
79	Tævan	0	0	4	4
80	Afganistan	0	0	1	1
	Egyptaland	0	0	1	1
	Ísrael	0	0	1	1
	Moldavía	0	0	1	1
	Máritíus	0	0	1	1
	Togo	0	0	1	1
	Venesúela	0	0	1	1
Alls		302	303	353	958