Playstation 4: Fjórða heimaleikjatölva Sony, hluti af áttundu kynslóð tölvuleikjatölva

Playstation 4 var kynnt á blaðamannafundi þann 20. febrúar 2013 sem arftaki Playstation 3. PS4 er fyrsta vélin frá Sony sem býður upp á 64-bita tækni sem er þekkt víða í tölvum nútímans. Playstation 4 er mun hraðvirkari en PS3 en til samanburðar þá er sextán sinnum meira vinnsluminni í PS4 heldur en í PS3, þar að auki er nýja vinnsluminnið töluvert hraðvirkara GDDR5 minni. Einnig má nefna að Blu-Ray drifið er nú hraðvirkara auk þess sem nýr örgjörvi frá AMD (sérhannaður AMD Jaguar átta-kjarna) er notaður í nýju PS4. Sony ætlar að gefa út Playstation App sem virkar þannig að hægt verður að nota snjallsíma og spjaldtölvur (til dæmis iPad) til þess að spila Playstation 4-leiki í gegnum hefðbundna nettengingu. Þetta er mögulegt vegna samstarfs Sony og Gaikai sem er fyrirtæki sem sérhæfir sig í skýjaþjónustu fyrir tölvuleiki (cloud-based gaming sharing service) en með tilkomu Playstation 4 er meðal annars hægt að deila því sem þú ert að spila með heiminum og jafnvel geturðu látið vin þinn taka við leiknum þrátt fyrir að hann sé staddur í öðru landi.

PlayStation 4
Framleiðandi	Sony
Tegund	Leikjatölva
Kynslóð	Áttunda
Gefin út	15. nóvember,2013 15. nóvember, 2013 15. desember 2013
Örgjörvi	AMD x86-64 Jaguar
Skjákort	GCN Radeon
Miðlar	Blue-ray, DVD
Netkort	PlayStation Network
Sölutölur	116.9 million 31. Desember 2021
Mest seldi leikur	God of War
Arftaki	PlayStation 5

Playstation 5 var arftaki þessarar leikjatölvu og kom út í desember 2020.