Listi Yfir Íslenska Framhaldsskóla

Framhaldsskólar á Íslandi eru rúmlega 35 talsins. Langflestir þeirra eru opinberir skólar í eigu íslenska ríkisins, en sumir eru einkareknir eða sjálfseignarstofnanir.

Samkvæmt lögum um framhaldsskóla 92/2008 eiga nemendur sem lokið hafa grunnskólaprófi rétt á sækja nám á framhaldsskólastigi. Nemendur sem hafa útskrifast með stúdentspróf úr framhaldsskóla geta sótt um nám í háskóla á Íslandi og erlendis. Flestir nemendur í hefðbundnu námi í framhaldsskólum í Reykjavík eru á aldrinum 16 til 19 ára en við suma skóla eru einnig öldungadeildir, kvöldskólar eða fjarnámsbrautir.

Mennta- og barnamálaráðuneytið gefur út aðalnámskrá fyrir framhaldsskóla landsins sem þeim ber að fara eftir. Í aðalnámskránni kemur fram hvaða námskröfur eru gerðar til nemenda og einnig eru settar kröfur um framvindu í námi. Aðalnámskrá er í stöðugri endurskoðun og eru breytingar á henni tilkynntar í Stjórnartíðindum. Alþingi hefur sett lög um þá menntastefnu sem krafist er af skólastigum landsins.

Listinn nær aðeins yfir skóla sem falla undir lög um framhaldsskóla, en ekki ýmsa aðra skóla á unglingastigi og fullorðinsstigi eins og til dæmis tónlistarskóla, Lýðskólann á Flateyri, LungA-skólann á Seyðisfirði eða Hallormsstaðaskóla.

• Borgarholtsskóli
• Fisktækniskólinn
• Fjölbrautaskóli Norðurlands vestra
• Fjölbrautaskóli Snæfellinga
• Fjölbrautaskóli Suðurlands á Selfossi
• Fjölbrautaskóli Suðurnesja
• Fjölbrautaskóli Vesturlands
• Fjölbrautaskólinn í Breiðholti
• Fjölbrautaskólinn í Garðabæ
• Fjölbrautaskólinn við Ármúla
• Flensborgarskólinn í Hafnarfirði
• Framhaldsskólinn á Húsavík
• Framhaldsskólinn á Laugum
• Framhaldsskólinn í Mosfellsbæ
• Framhaldsskólinn í Austur-Skaftafellssýslu
• Framhaldsskólinn í Vestmannaeyjum

• Hússtjórnarskólinn í Reykjavík
• Kvennaskólinn í Reykjavík

• Menntaskóli í tónlist
• Menntaskóli Borgarfjarðar
• Menntaskólinn að Laugarvatni
• Menntaskólinn á Akureyri
• Menntaskólinn á Ásbrú
• Menntaskólinn á Egilsstöðum
• Menntaskólinn á Ísafirði
• Menntaskólinn á Tröllaskaga
• Menntaskólinn í Kópavogi
• Menntaskólinn í Reykjavík
• Menntaskólinn við Hamrahlíð
• Menntaskólinn við Sund
• Myndlistaskólinn á Akureyri
• Myndlistaskólinn í Reykjavík

• Tækniskólinn
• Verkmenntaskóli Austurlands
• Verkmenntaskólinn á Akureyri
• Verzlunarskóli Íslands