Jane Austen: Enskur rithöfundur (1775-1817)

desember">16. desember 1775 – 18. júlí 1817) var enskur rithöfundur, fræg fyrir sögur sínar um mið- og yfirstéttarkonur. Frægasta verk hennar er Hroki og hleypidómar (Pride and Prejudice) sem kom fyrst út 1813. Hún gaf verk sín út nafnlaust og þau vöktu töluverða athygli, en nafnleysi hennar gerði það að verkum að hún var ekki í tengslum við aðra rithöfunda. Þótt hún hafi skrifað á rómantíska tímanum fylgdi hún ekki rómantísku bókmenntastefnunni, heldur einkennast verk hennar af skynsemishyggju og hún beitir háði gegn tilfinningasemi. Hún var fyrst upphafin sem einn mesti rithöfundur á enska tungu nokkrum áratugum eftir dauða sinn, eða á Viktoríutímabilinu.

Jane Austen

Fædd:	16. desember 1775 Steventon Rectory, Hampshire, Englandi
Látin:	18. júlí 1817 (41 árs) Winchester, Hampshire, Englandi
Þjóðerni:	Ensk
Þekktasta verk:	Hroki og hleypidómar
Undirskrift:

Skáldsögur

• 1811 – Aðgát og örlyndi
• 1813 – Hroki og hleypidómar
• 1814 – Mansfield Park
• 1815 – Emma
• 1818 – Northanger Abbey, gefin út að höfundi látnum
• 1818 – Persuasion, gefin út að höfundi látnum
• 1871 – Lafði Susan, gefin út að höfundi látnum

• Þórey Einarsdóttir (24. ágúst 1996). „Jane Austen“. Lesbók Morgunblaðsins. bls. 10-11.
• „Hver var Jane Austen og hvaða bækur skrifaði hún?“. Vísindavefurinn.

 

Wiki Commons er með margmiðlunarefni sem tengist Jane Austen.

   Þessi bókmenntagrein er stubbur. Þú getur hjálpað til með því að bæta við greinina.