Benvegnuo inte ła Wikipedia in léngua ido! El ido el xe na léngua auxiliaria internasionałe nasua da un projeto de reforma del esperanto.
Ła xe sta adotà inte'l otobre del 1907, a Parixe, da un comitado internasionałe de siensiati e lenguisti riunìi inte ła Dełegasion pa' l'adosion de na lengua auxiliaria internasionałe.
Inte'l comitado jera prexenti i raprexentanti uficiałi de altre léngue artificiałi (esperanto, Idiom neutral, latino sine flexione, ecc.) e numaroxi siensiai e lenguisti de fama internasionałe. Tra i so pregi pì grandi, comuni al esperanto, ghe xe łe asé senplisi costrusion gramaticałi e ła gran vełosità de aprendimento consentia da ła regołarità del uxo dei afisi e dal uxo de parołe comuni a łe varie léngue eoropee (inglexe, fransexe, tòdesco, spagnoło, itałian e ruso). Rispeto a l'idioma proxenitor el ido el prexenta però altre senplifegasion, cuałi par exenpio el utiłixo del alfabeto latin sensa acentuasion, un nùmaro pì grando de afisi par fasiłitar łe derivasion, el utiłixo de serti sufisi aglutinanti (par exenpio: "i" al posto de "oj" pa'l plurałe), un acuxativo sistematego e agetivi nó viariabiłi.
Par saverghine de pì so'l ido te pol lexare ła voxe corispondente so ła Wikipedia in léngua vèneta o vixitar i seguenti ligamenti foresti: cuà.
Se te vołevi canbiar łe pàjine de Wikipedia o scrivar nove voxe, te si libaro de farlo! Nó preocuparte pa' i eventuałi erori. Se faxì un eror, calchedun ło corexarà. Se nó si seguri dei vostri contributi e vołì senplisemente che calchedun i controłe e i revixione metì so ła pàjina el modèl {{revizo}}.
This article uses material from the Wikipedia Ido article Helpo:Vèneto, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La kontenajo esas disponebla sub CC BY-SA 4.0, ecepte kande kontree mencionata. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ido (DUHOCTRUNGQUOC.VN) is an independent company and has no affiliation with Wiki Foundation.