«Мéхках бáхар» (эрс: Депортация) — гӀалгӀай къам мехках да́ккхарах лаьца йиш.
Мукъам язбаь йиш лийкхар гӀалгӀай цӀихеза иллиалархо Йовлой Рая я.
ДагадоагӀий шоана тахан вай халкъ мехках даьнна ди?
Дагадохий шоана тахан вай халкъ мехках даьккха ди?
Хьийста на́на лайла тоссаш до́гӀа ца луш дисса чурт.
Цу ханашка хинна Ӏоткъам чаккхе йолаш хиннабац.
Моцалла десташ денна адам дицдалийта-м мегаргадац.
Кхелха на́на боча хьоасташ баьсса на́кха Ӏийда бер.
Наьнах бер хьакъоаста ца луш хинна таьзет ийрча дар.
ГӀоттаргвоацаш метто лаьцар Даькъастенгахьа хьожаш вар.
Муръенна тӀехкаш цӀахьор цар васкета лоӀам бар.
Мух хьакхача дӀа-хьа теркаш во́жар кхераш баьккхача гӀа,
Бийсан юкъе хӀама дуаш са Ӏехадеш дайна гӀа.
ГӀарахошца са ца кходеш лийтар чоте воацаш вар,
«МоастагӀа!» яхаш пӀелг тӀахьокхар ла́ ца могаш хала дар.
БӀаьшерашка хинна денал халонах вай хийца-м дац.
Вай нахага хинна эздел сага́ дохаде мегаьдац.
Тахан рузкъах дизад аьлле Ӏаьржа денош диц ма де.
Вайцар къаьстар дага а лаьце са халкъ шоайла кхотале.
ДагадоагӀий шоана тахан вай халкъ мехках даьнна сурт?
Дагаухий шоана тахан вай халкъ мехках даьнна сурт?
Хьийстар къизза лайла тоссаш до́гӀа ца луш дисса чурт.
Цу ханашка хинна Ӏоткъам чаккхе йолаш хиннабац.
Моцалла десташ денна адам дицдалийта-м мегаргадац.
This article uses material from the Wikipedia ГӀалгӀай article Мехках бахар (йиш), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.