Тӏоговзанча
ТӀого́взанча (эрс: Искусник камня, каменщик) — хӀама (гӀишлош) хьалйотташ вола болхло; кхераца (иштта кхерах хьаяь кхыйолча материалаца) хӀама хьалйотта ховш вола говзанча.
Тахан гӀалгӀаша иштта леладу гӀишлонхо (эрс: строитель) яха дош а.
Тайп-тайпара гӀишлош йоттара гӀулакх массахана а даьржа а эшаш а хиннад Кавказе, юкъерча бӀаьшерашка масала чӀоагӀа даьржад гӀалаши вӀовнаши йоттар. Цу хана чухьа геттара цӀихеза хиннаб къаьстта гӀалгӀай тӀоговзанчаш. Царех ба, масала:
- Аьрзера Янд;
- Фуртовгера Оахарганаькъан Дугои, Лаьнанаькъан Дации Чуранаькъан Хазбии;
- Барханера Барханой Баки;
- Хьулера Дударанаькъан Ерда;
- Йовлера Йовлой Арсамак;
- Хаьнера Хоаной Хинг;
- ТӀаргамара Аьлданаькъан Таьт-Боткъа.
Хьалйоттара говзал лелаеш бӀарчча тайпаш а хиннад. Царех лоархӀаш хиннаб, масала, Лакхереи, Юкъереи Лохереи Озигара Баркинхой. ГӀалгӀай тӀоговзанчаш арахьа а бовзаш хиннаб, ГӀалгӀайчен доазол дехьа — Нохчийи, ХӀирийи, Гуржийи мехкашка. Цига дӀабехаш хиннаб уж чоалхане гӀалаши вӀовнаши йоттар духьа.
Белгалдаккхар
ТӀатовжамаш
- Крупнов Е.И. Средневековая Ингушетия. — М., 1971.
- Чахкиев Д.Ю. Древности Горной Ингушетии. — Назрань, 2003. — Т. 1.
- Щеблыкин И. П. Искусство Ингушетии в памятниках материальной культуры. — Владикавказ: ИИШГИК, 1928. — Т. 1.
This article uses material from the Wikipedia ГӀалгӀай article ТӀоговзанча, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.